უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
მაიკ პენსის მონაწილეობა ქართულ-ამერიკულ სამხედრო წვრთნებში ჩვენი ნატოში ინტეგრაციის კურსის მხარდაჭერაა - მიხეილ ჯანელიძე
საქართველოს საგარეო საქმეთა მინისტრის, მიხეილ ჯანელიძის განცხადებით, მაიკ პენსის ვიზიტი საქართველოში აშშ-ის ვიცე-პრეზიდენტის პირველი ევროპული ტურნეს ფარგლებში იმართება, რაც საქართველოს მნიშვნელობაზე მიუთითებს. კერძოდ, საგარეო უწყების ხელმძღვანელმა ახსენა პენსის ინტერვიუ Fox News-თან, სადაც აშშ-ის ვიცე-პრეზიდენტის განცხადებით, საქართველოს, ბალტიისპირეთის ქვეყნებსა და მონტენეგროს, როგორც აშშ-ის მოკავშირეებს, ამერიკის იმედი უნდა ჰქონდეთ.
„ხაზგასასმელია ის ფაქტი, რომ ვიცე პრეზიდენტის ტურნე ევროპაში, საქართველოსთან ერთად იმართება ისეთ ქვეყნებში, როგორიცაა ესტონეთი და მონტენეგრო. ეს ნიშნავს, რომ საქართველო აშშ-ის მხრიდან აღიქმება, როგორც მტკიცე მოკავშირე და სტრატეგიული პარტნიორი. ამაზე მეტყველებს ის გზავნილი, რომელიც გაჟღერდა ვიცე- პრეზიდენტის მხრიდან, რომ ბალტიისპირეთის ქვეყნები, საქართველო და მონტენეგრო არიან ამერიკის მოკავშირეები აღმოსავლეთ ევროპაში და ამერიკა არის და დარჩება ამ ქვეყნების გვერდით თავისუფლების დასაცავად“, - განაცხადა საგარეო უწყების ხელმძღვანელმა.
მიხეილ ჯანელიძემ ასევე ხაზი გაუსვა საქართველოსი მიმდინარე ქართულ-ამერიკულ ერთობლივ სამხედრო წვრთნებს „ღირსეული პარტნიორი 2017“. საგარეო საქმეთა მინისტრის თქმით, ეს წვრთნები მიმართულია საქართველოს თავდაცვისუნარიანობის გაძლიერებისა და ნატოში ინტეგრაციისაკენ, ხოლო პენსის მონაწილეობა ამ კურსის მტკიცე მხარდაჭერის გამოხატულება იქნება.
„უნდა აღინიშნოს, რომ წვრთნები, რომელშიც რვა ქვეყანა იღებს მონაწილეობას, საქართველოს მიერ მსოფლიოსა და რეგიონის სტაბილურობაში შეტანილი კონტრიბუციის აღიარება და ჩვენი შეიარაღებული ჯარებისა და ჯარისკაცების დამსახურებაა. წვრთნები მიმართულია საქართველოს თავდაცვისუნარიანობის ამაღლებისკენ, პარტნიორებთან და ნატო-სთან მეტი თავსებადობისა და ინტეგრაციისკენ. ვიცე-პრეზიდენტის მონაწილეობა კი, ამ კურსის მტკიცე მხარდაჭერის გამოხატულებაა. მაღალი დონის დიალოგის პარალელურად აქტიურად ვთანამშრომლობთ სტრატეგიული პარტნიორობის ოთხივე სამუშაო ჯგუფის ფარგლებში. განსაკუთრებით, თავდაცვისა და უსაფრთხოების სფეროში თანამშრომლობას გამოვყოფდი, სადაც ერთობლივი, სამოქმედო გეგმა მიმდინარე წელს შეთანხმდა და რომელიც საქართველოს თავდაცვისუნარიანობის გაძლიერებას გულისხმობს. ვინაიდან, უსაფრთხოების საკითხებს შევეხე, არ შემიძლია არ ავღნიშნო, გლობალური უსაფრთხოების კუთხით, ჩვენი აქტიური თანამშრომლობა ტერორიზმის წინააღმდეგ ბრძოლაში“, - დასძინა ჯანელიძემ.
მაიკ პენსი საქართველოს დღეს საღამოს ეწვევა.
b