პოლიტიკა

მაიკ პენსის ვიზიტი გახლავთ საქართველოს მიმართ აშშ-ის მხარდაჭერის კიდევ ერთი ძალიან მნიშვნელოვანი დადასტურება - გიორგი კვირიკაშვილი

აშშ-ის ვიცე პრეზიდენტის, მაიკ პენსის ვიზიტი გახლავთ საქართველოს მიმართ აშშ-ის მხარდაჭერის კიდევ ერთი ძალიან მნიშვნელოვანი დადასტურება, - განაცხადა პრემიერ-მინისტრმა გიორგი კვირიკაშვილმა მთავრობის დღევანდელ სხდომაზე.

როგორც პრემიერ-მინისტრმა აღნიშნა, 31 ივლისს და 1-ელ აგვისტოს მაიკ პენსის ვიზიტი საქართველოში შედგება.

“მინდა შევეხო აშშ-ის ვიცე პრეზიდენტის ვიზიტს საქართველოში. 31 ივლისს და 1-ელ აგვისტოს შედგება მისი ვიზიტი. ეს ვიზიტი გახლავთ კიდევ ერთი ძალიან მნიშვნელოვანი დადასტურება აშშ-ის მხარდაჭერისა საქართველოს მიმართ. ვფიქრობთ, ის, რომ ჩვენ ძალიან მოკლე დროში დავამყარეთ ძალიან მჭიდრო ურთიერთობები ახალ ადმინისტრაციასთან, არის უმნიშვნელოვანესი ჩვენი სტრატეგიული პარტნიორობის განვითარების კუთხით“, - განაცხადა კვირიკაშვილმა.