უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
სამართალი
მალხაზ კობაური არა თუ მკვლელი, არამედ საქმის მთავარი მოწმეა - ადვოკატი
ხადას ხეობაში სმიტების ოჯახის მკვლელობაში ბრალდებული 19 წლის, მალხაზ კობაურის ადვოკატის, ალექსანდრე კობაიძის განცხადებით, არსებული გარემოებებიდან იკვეთება, რომ მისი დაცვის ქვეშ მყოფი ამ დანაშაულს არ ჩაიდენდა.
ადვოკატმა აღნიშნა, რომ მალხაზ კობაური არა თუ მკვლელი, არამედ საქმის მთავარი მოწმეა.
მისივე მტკიცებით, კობაური არ აღიარებს დანაშაულს და უარყოფს გარდაცვლილ ლორა სმიტზე რაიმე ტიპის სექსუალურ ძალადობას.
კობაიძის ინფორმაციით, საქმის მასალების მიხედვით, ლორა სმიტის სხეულზე ბრალდებულის ბიოლოგიური მასალებია აღმოჩენილი, თუმცა ექსპერტიზას არ დაუდგენია, რომ მოკლული ქალი გაუპატიურებულია.
კობაიძემ არ გამორიცხა, რომ ექსპერტიზა არასწორად იყოს ჩატარებული.
„საქმეში არის სხვადასხვა ექსპერტიზის დასკვნები, მათ შორის არის კობაურის სპერმის ექსპერტიზის დასკვნა, ასევე არის მოკლული რაიან სმიტის სპერმის ექსპერტიზის დასკვნა, რომელიც ბევრ კითხვის ნიშანს ბადებს. შეგვიძლია ვთქვათ, რომ საქმეში ბევრი ქაოსი და არეულობაა. მე ვუშვებ შესაძლებლობას, რომ ექსპერტიზები არასწორად არის ჩატარებული“, - განაცხადა კობაიძემ.
ადვოკატმა თქვა, რომ დაცვის მხარე საკუთარი მოსაზრების დასამტკიცებლად არაერთი ექსპერტიზის ჩატარებას გეგმავს.
კობაიძემ დაამატა, რომ მკვლელობაში დაახლოებით შვიდი პირი ფიგურირებს, ხოლო არაერთი გარემოება აჩენს კითხვის ნიშნებს, მათ შორის, მტკიცებულებების სახით ამოღებული ფოტოები, რომელიც მალხაზ კობაურის ტელეფონში აღმოჩნდა.