სამართალი

მამუკა ახვლედიანი მმართველი გუნდის 8 წევრს უჩივის

თბილისის საქალაქო სასამართლოს ყოფილი თავმჯდომარე, მამუკა ახვლედიანი პატივისა და ღირსების შელახვისთვის დღეს სარჩელის შეტანას გეგმავს.

მამუკა ახვლედიანი მმართველი გუნდის რამდენიმე წევრს უჩივის, მათ შორის უმრავლესობის ლიდერს, არჩილ თალაკვაძეს და იუსტიციის მინისტრს, თეა წულუკიანს. ის მორალური ზიანის ანაზღაურებას ითხოვს, ასევე ბოდიშს და 10 ათას ლარს.

"მაშინ ისაუბრეს ძიძიგურმა, თალაკვაძემ, მდინარაძემ, წულუკიანმა... 8 ადამიანის წინააღმდეგ შემაქვს სარჩელი. თანხის ოდენობაა და ბოდიშის მოხდა. 10 ათასი ლარის ფარგლებში იქნება ყველაზე მოთხოვნა. გამოყენებული იქნება სტუდენტებისთვის, რომ იყოს სხვადასხვა ტრენინგი და რომ გაიზარდონ ნორმალური იურისტები ამ ქვეყანაში," - აცხადებს მამუკა ახვლედიანი რუსთავი 2-თან საუბარში.

ნინო ექვთიმიშვილი