უკან

უახლესი ამბები

დღის კალენდარი

ანონსები

არქივი

კომენტარი

13 ოქტომბერი, 2018 17:05
font-size

მარიხუანას ფესტივალზე კანონს დავარღვევ მარტო მე - ამ ქვეყნის მოქალაქე პრეზიდენტობის კანდიდატი - ზურაბ ჯაფარიძე

მარიხუანას ფესტივალზე კანონს დავარღვევ მარტო მე – ამ ქვეყნის მოქალაქე პრეზიდენტობის კანდიდატი, – განაცხადა პოლიტიკური გაერთიანება „გირჩის“ ლიდერმა, პრეზიდენტობის კანდიდატმა ზურაბ ჯაფარიძემ შსს-ს პასუხად.

ჯაფარიძის თქმით, 20 ოქტომბერს სამოქალაქო დაუმორჩილებლობის აქტს ჩაიდენს, თუმცა, მისი თქმით, კანონს არ დაარღვევს.

„შსს-მ ჩაატარა დღეს ბრიფინგი და განაცხადა, რომ სისხლის სამართლის საქმე აქვთ აღძრული ჩვენ მიერ დაანონსებულ კანაფის ლეგალიზების ფესტივალთან დაკავშირებით. გაავრცელეს რაღაც მუქარის განცხადებები. ისინი გვემუქრებიან ჩვენ, რომ თითქოს ჩვენ რაღაც კანონს დავარღვევთ და შესაბამისი სანქციები არსებობს, როგორც ადმინისტრაციული, ისე სისახლის სამართლის.

მინდა შსს-ს ვუპასუხო – მე ვარ ზურაბ ჯაფარიძე, ვარ პრეზიდენტობის კანდიდატი, კენჭს ვიყრი 28 ოქტომბერს დაგეგმილ საპრეზიდენტო არჩევნებში. მე, პირადად, მაქვს ჩადენილი ამ ქვეყანაში სამოქალაქო დაუმორჩილებლობის აქტი 2016 წლის 31 ოქტომბერს – დავარღვიე კანონი და დავთესე კანაფის მარცვლები. მაშინ მე კონკრეტულად დავარღვიე კანონი და ეს სამოქალაქო დაუმორჩილებლობის აქტი გულისხმობდა კანონდარღვევას. 20 ოქტომბერს ასევე ჩავიდენ სამოქალაქო დაუმორჩილებლობის აქტს, თუმცა, ამჯერად არ ვარღვევ კანონს, რადგან მიმაჩნია, რომ რასაც მე გავაკეთებ, ამის უფლება მომანიჭა საკონსტიტუციო სასამართლომ.

საკონსტიტუციო სასამართლოს გადაწყვეტილება ჩემი და ვახო მეგრელიშვილის საქმეზე გულისხმობდა იმას რომ მე მაქვს იმის გაკეთების უფლება, რის გაკეთებასაც ვგეგმავ 20 ოქტომბერს. ეს სამოქალაქო დაუმორჩილებლობის აქტი არის მიმართული საზოგადოებრივი აზრის წინააღმდეგ, რომელიც არის გაბატონებული. ეს არის მიმართული იმ აზრის წინააღმდეგ, რომელსაც ლობირებს საქართველოს საპატრიარქო და რომელსაც ლობირებენ მწკრივში დამდგარი ყველა ოპოზიციური პარტია, გარდა „გირჩისა“ და არაა კანონის წინააღმდეგ“, – განაცხადა ზურაბ ჯაფარიძემ.

,,გირჩის" საპრეზიდენტო კანდიდატმა მიმართა ადამიანებს, ვისაც მათ დაანონსებულ ღონისძიებაში უნდოდა მონაწილეობა, რომ გეგმები არ იცვლება.

„ყველა ადამიანს, ვისთვისაც ძვირფასია თავისუფლება, მოვუწოდებ, მოვიდნენ, მიიღონ მონაწილეობა, გაერთონ. არცერთ იქ მონაწილეს არავინ არ თხოვს, რომ მათ რაიმე კანონდარღვევა ჩაიდინონ. კანონს დავარღვევ მარტო მე – ამ ქვეყნის მოქალაქე პრეზიდენტობის კანდიდატი. სხვა ყველა ადამიანი იქ მოდის დასასვენებლად, გასართობად. მე, პირადად, ვაპირებ იქ ოჯახის წევრებთან, ბავშვებთან ერთად ერთად მისვლას.

მინიმუმ, ვისაც აინტერესებს, თუ მართალა სერიოზულია შსს-ს განცხადება, გაქვთ შანსი, ცხოვრებაში პირველად ლაივში ნახოთ, როგორ აპატიმრებენ პრეზიდენტობის კანდიდატს, თუ შსს-ს განცხადება არის მართლაც სერიოზული. მე ამისი არ მჯერა, მაგრამ მაინც. ამიტომ, კარგი შანსია, მოხვიდეთ, გაერთოთ და მათ შორის, ნახოთ რაღაც ისტორიული მომენტიც. ფესტივალი ჩატარდება ისე, როგორც დაგეგმილია“, – აღნიშნა ზურაბ ჯაფარიძემ.

შსს-ს ინფორმაციით, „გირჩის“ მიერ გავრცელებულ ე.წ. მარიხუანას ფესტივალის გამართვაზე განცხადებასთან დაკავშირებით, შინაგან საქმეთა სამინისტრომ დაიწყო გამოძიება და იმ შემთხვევაში, თუ ე.წ. ფესტივალზე ადგილი ექნება რაიმე ტიპის სამართალდარღვევას – ნარკოტიკული საშუალების გასაღებას, ფლობას, მოხმარებას თუ პოპულარიზაციას, პოლიცია ყველა სამართალდამრღვევი პირის მიმართ გაატარებს საქართველოს კანონმდებლობით გათვალისწინებულ მკაცრ ზომებს.

საქმის დეტალებში ვერ შევალ, რადგან საზედამხედველო ღონისძიებები კონფიდენციალურია - არჩილ მესტვირიშვილი

16 ოქტომბერი, 2019 , 22:00

ეროვნული ბანკის ვიცე-პრეზიდენტი არჩილ მესტვირიშვილი „თიბისი ბანკისა“ და საზოგადოებრივი მოძრაობა „ლელოს“ დამფუძნებლის მამუკა ხაზარაძის ბრალდებებს პასუხობს. არჩილ მესტვირიშვილის განცხადებით, „

ისე მოუშვეს ქამრები, რომ უზარმაზარი ღიპი გადმოუვარდა მთავრობას - რომან გოცირიძე

16 ოქტომბერი, 2019 , 17:00

„ქამრების მოჭერის“ ნაცვლად, ისე მოუშვეს ქამრები, რომ უზარმაზარი ღიპი გადმოუვარდა მთავრობას, - ამის შესახებ ფრაქცია "ნაციონალური მოძრაობის" თავმჯდომარემ რომან გოცირიძემ, 2019 წლის ბიუჯეტში შესატან ცვლილებების

ამ ადამიანებს უნდათ, რომ მაქსიმალურად ცნობადები გახდნენ ჩემი სახელის ხსენებით - მარიამ კუბლაშვილი

16 ოქტომბერი, 2019 , 16:45

ადვოკატი მარიამ კუბლაშვილი ადვოკატთა ასოციაციის წევრ ვასილ მამულაშვილს ეხმაურება, რომელმაც კუბლაშვილის მიერ გაკეთებულ განცხადებებს არაეთიკური უწოდა. „ძალიან არასერიოზულია ეგ განცხადება და მიმართულია საკუთარი პიარის

კახა კალაძე მამუკა ხაზარაძეზე: გვეჭორავება ჩვენ და ეჭორავება საზოგადოებას

16 ოქტომბერი, 2019 , 15:10

“ძალიან დიდი ეჭვი მაქვს, ხაზარაძემ ამ პროექტის განხორციელება შეძლოს, მას ამის არც ფინანსური რესურსი აქვს და არც გონებრივი შესაძლებლობები," - ამის შესახებ თბილისის მერმა, კახა კალაძემ ჟურნალისტებს განუცხადა. კალაძის

ანაკლიის პროექტის ბედი დასრულებულია - რომან გოცირიძე

15 ოქტომბერი, 2019 , 18:06

ანაკლიის პროექტის ბედი დასრულებულია, – ამის შესახებ ფრაქცია „ნაციონალური მოძრაობის“ ლიდერმა რომან გოცირიძემ განაცხადა. მისი თქმით, ვიდრე ეს ხელისუფლება იქნება, პროექტი არ განხორციელდება. „ამის შეს

კობახიძის არითმეტიკის არასდროს არ მჯეროდა - ეკა ბესელია

15 ოქტომბერი, 2019 , 17:56

„კობახიძის არითმეტიკის არასდროს არ მჯეროდა. მისი მათემატიკა იმდენად ცუდია, რომ საპრეზიდენტო არჩევნების დროს ივანიშვილიც შეცდომაში შეიყვანა და ზურაბიშვილისთვის გამარჯვება მიალოცინა, – ასე გამოეხმაურა დამოუკიდე