უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
მე კიდევაც დავბრუნდი და ხვალ კიდევაც პრეზიდენტი ვიქნები... მოვდივარ ქაჯების დასათხოვნად - სალომე ზურაბიშვილი
„მე კიდევაც დავბრუნდი და ხვალ კიდევაც პრეზიდენტი ვიქნები“,-ამის შესახებ პრეზიდენტობის კანდიდატმა სალომე ზურაბიშვილმა ქუთაისში ამომრჩევლებთან გამართულ შეხვედრაზე განაცხადა.
„მოვდივარ თქვენ წინაშე ისეთი, როგორიც ვარ. მე არაფერ სხვანაირს არ ვთამაშობ. მე მოვდივარ ჩემი წარსულით, ჩემი მტკიცე პრინციპებით. ზოგჯერ ზოგიერთები ფიქრობენ, რომ ცოტა ნამეტანად მტკიცე. ჩემი ხასიათით ვის მოსწონს და ვის არა. ჩემი შეცდომებითა თუ წარმატებებით და ჩემი გავლილი გზით.
მოვდივარ ასევე ჩემი ქართული ენით, რომელიც ზოგისთვის თურმე დასაწუნი არის, რასაც არ აქვს ძალიან დიდი მნიშვნელობა. ცხადია, მე არ გამივლია სკოლა, უნივერსიტეტი და მთელი ეს საფეხურები საქართველოში და როგორიც არის, ისეთი არის, თუმცა მე ჩემს თავზე ძალიან ბევრი ვიმუშავე. მე მინდა, აქედან მივმართო იმ ახალგარზდებს, რომლებიც დღეს არიან საზღვარგარეთ. თქვენ ისწავლეთ ქართული, არ დაივიწყოთ და როგორი ქართულითაც დაბრუნდებით, დაბრუნდით. იმიტომ, რომ ჩემი მაგალითი სწორედ ეს არის. მე კიდევაც დავბრუნდი და ხვალ კიდევაც პრეზიდენტი ვიქნები.
მოვდივარ იმისთვის, რომ არავის არ მოუწიოს ქვეყნიდან წასვლა და აღარ დავკარგოთ ტერიტორიები და იმისთვის, რომ კიდევ ერთხელ გავიყვანო რუსეთის ჯარები, მოვდივარ ქაჯების დასათხოვნად, იმიტომ, რომ ტყუილი და სიძულვილი ყველას ამოუვიდა ყელში“, -თქვა ზურაბიშვილმა.
ქუთაისში ზურაბიშვილს რამდენიმე მოქალაქე საპროტესტო აქციით შეხვდა. შეკრებილებმა გააპროტესტეს ზურაბიშვილის ბოლოდროინდელი განცხადებები აგვისტოს ომთან დაკავშირებით. მათ პლაკატებიც მიიტანეს წარწერებით: „ნუ შეურაცხყოფ გმირებს“, „სალომე ვოვას ფავორიტი“. პროტესტის გამო ზურაბიშვილს დარბაზში შესვლა უკანა კარიდან მოუწია.
ქუთაისში ზურაბიშვილთან ერთად ჩავიდა თბილისის მერი კახა კალაძე.
ცნობისთვის, გუშინ სალომე ზურაბიშვილმა ტვ პირველის გადაცემა „რეაქციაში“ განაცხადა, რომ ქართულმა მხარემ დაბომბა ცხინვალში მცხოვრები „ჩვენი მოსახლეობა“.