უახლესი ამბები
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
მე რომ ყველაფერი გამეგო, ალბათ, ვუშველიდი ჩემს შვილს - მალხაზ მაჩალიკაშვილი თბილისის პროკურატურაში იმყოფება
თემირლან მაჩალიკაშვილის მამა, მალხაზ მაჩალიკაშვილი ადვოკატთან, მარიამ კუბლაშვილთან ერთად თბილისის პროკურატურაში იმყოფება გამოკითხვაზე. უწყებაში შესვლამდე მან განაცხადა, რომ იმ ღამეს, როცა მისი შვილი სასიკვდილოდ დაჭრეს, მას უფლება ჰქონდა, გაეგო, რატომ მოვიდა სპეცრაზმი.
„ჩვენ ყველამ ვიცით, როგორ უკანონოდ და უდანაშაულოდ დახვრიტეს ჩემი შვილი, თემირლანი საკუთარ საწოლში. იმ ღამეს მე მქონდა ყველაფრის უფლება, რომ გამეგო, რა ხდებოდა იქ. მე ვიყავი თავისუფლებააღკვეთილი, აყვანილი ფაქტობრივად მძევლად. არანაირი საშუალება არ მქონდა, მენახა, რა ხდებოდა. მე რომ ყველაფერი გამეგო, ალბათ, ვუშველიდი ჩემს შვილს. დროულად გადავიყვანდი ან რამე. არ დავუშვებდი იმ შეცდომებს, რაც მათ დაუშვეს“, - განაცხადა მალხაზ მაჩალიკაშვილმა.
მარიამ კუბლაშვილის ინფორმაციით, მათთვის ცნობილი გახდება ბალისტიკური ექსპერტიზის დასკვნა და მოხდება მაჩალიკაშვილის გამოკითხვა, თუ რა ხდებოდა რეალურად იმ ღამეს, როცა მაჩალიკაშვილების ოჯახში სპეცრაზმი შევიდა.
ცნობისთვის, თემირლან მაჩალიკაშვილი 26 დეკემბერს, სუს-ის მიერ პანკისის ხეობაში ჩატარებული სპეცოპერაციის დროს დაჭრეს თავის არეში. მაშინ 19 წლის თემირლანი თბილისში გადაიყვანეს, იგეგმებოდა მისი მკურნალობა საზღვარგარეთ, თუმცა 10 იანვარს ის საავადმყოფოსი დაიღუპა.