პოლიტიკა

მეამაყება, რომ ქართველი ამომრჩეველი ასე აქტიურად გამოხატავს თავის პოზიციას - გიორგი მარგველაშვილი

საქართველოს მოქმედმა პრეზიდენტმა მოქალაქეობრივი ვალი მოიხადა.

გიორგი მარგველაშვილმა ხმა თბილისის მთაწმინდის მე-6 საარჩევნო უბანზე, 47-ე სკოლაში დააფიქსირა და მოქალაქეებს აქტიურობისკენ მოუწოდა.

„მე მინდა, მივულოცო საქართველოს მოქალაქეებს დღევანდელი აქტიურობა, რომელსაც ვხედავ საარჩევნო უბანზე. მიხარია და მეამაყება, რომ ქართველი ამომრჩეველი ასე აქტიურად გამოხატავს თავის პოზიციას. ზოგისთვის, ეს არის რთული არჩევანი, მაგრამ კიდევ ერთხელ მინდა მოვუწოდო ყველა მოქალაქეს, აუცილებლად მივიდეს საარჩევნო უბანზე, გამოიყენოს თავის ბიულეტენი, დააფიქსიროს თავის არჩევანი, ითამაშოს გადამწყვეტი როლი ქვეყნის ხელისუფლების ფორმირების პროცესში. დარწმუნებული ვარ, ეს აქტივობა გაგრძელდება მომავალშიც, დღის განმავლობაში, რაც გარანტიაა იმისა, რომ არჩევნები ჩატარდება მაღალ დონეზე, იქნება ნაკლები დარღვევები,“ - განაცხადა გიორგი მარგველაშვილმა.