უახლესი ამბები
- 07.03.2021 23:17ნატო ჩხეიძე: გვარზე ხტომა ადვილია, სხვის ღირსებაზე და მით უფრო ქვეყნის ღირსებაზე გადახტომა ძნელია, ამიტომაც ვერ დაიძახებენ ივანიშვილები ჰოპლას
- 07.03.2021 21:02“ქართული ოცნება“ გავრცელებულ აუდიო ჩანაწერთან დაკავშირებით განცხადებას ავრცელებს
- 07.03.2021 16:44ბერამ არასასურველი კომენტარისთვის 2013 წელს ჯერონიმო და 4 მენტი მომიგზავნა - მუსიკოსი
- 07.03.2021 14:19„გადავწყვიტე პარტიიდან გავიდე და სხვა ამპლუით ვებრძოლო ამ ხელისუფლებას“ - გოგი წულაიამ პარტია “თავისუფალი საქართველო` დატოვა
- 07.03.2021 13:24ნატო ჩხეიძე: სხვების აზრი არ აინტერესებთ და რაც აინტერესებთ, კი იმუშავებენ იმ განხრით
- 07.03.2021 12:57შალვა პაპუაშვილი ოპოზიციას: გამოდით ბაბლიდან, გამოდით... გარეთ მზეა. ცაც, ტელესტუდიებისგან განსხვავებით, უღრუბლო
არქივი
პოლიტიკა


მერაბიშვილის ციხიდან გაყვანასთან დაკავშირებით საქმე გამოსაძიებელია და ამას სახელმწიფო გვერდს ვერ აუვლის - სახალხო დამცველი
სახალხო დამცველმა ნინო ლომჯარიამ შსს-სგან შინაგან საქმეთა ყოფილი მინისტრის, ვანო მერაბიშვილის ციხიდან გაყვანის საქმეზე გამოძიების დაწყება მოითხოვა. ამის შესახებ ლომჯარიამ „ტვ პირველის“ გადაცემა „რეაქციაში“ განაცხადა.
სახალხო დამცველმა სტრასბურგის სასამართლოს გადაწყვეტილებაც გაიხსენა ვანო მერაბიშვილის საქმეზე, რომლის თანახმად, ქართულმა მხარემ ეს ფაქტი უნდა გამოიძიოს და პასუხისგებაში მისცეს დამნაშავე პირები.
„არაერთგზის ვახსენე, რომ არა მარტო რევიზია უნდა მოხდეს უკვე ჩატარებული გამოძიების, არამედ, პარალელურად უნდა მოხდეს აქცენტირება - ვინ რა როლი შეასრულა ამ პროცესებში, ვინ ჩაერია და რატომ ჩაერია?! ერთი რამ შემიძლია ვთქვა, რომ ნაბიჯი გამოძიებამ და ხელისუფლებამ უნდა გადადგას, რადგან ეს უკავშირდება სხვა სისტემურ პრობლემებსაც, რომელიც სამართალდამცავ სისტემებში არაფორმალურ მმართველობასთან მიდის. მაგალითად, ვიცით, რომ დაიჭირეს მირზა სუბელიანი, ის ბრალს აღიარებს, თუმცა, ეს არაფერს ცვლის და საბოლოოდ, ბრალი უნდა დაუმტკიცდეს სასამართლოს მიერ, მაგრამ ჩვენ არაერთგზის გვესმოდა, რომ ის იყო ყოფილი მაღალჩინოსანი სასჯელაღსრულების სამინისტროში და მისი გავლენები უკავშირდება თუნდაც ვანო მერაბიშვილის ციხიდან გაყვანას, რომელიც ფაქტობრივად დადასტურებულია სტრასბურგის სასამართლოს მიერ.
შესწავლილი მაქვს ყველა საქმე, სადაც სტრასბურგის სასამართლომ მე-18 მუხლის დარღვევა დაადგინა და ყველა ასეთ საქმეზე სტრასბურგი საქართველოს ეუბნება, რომ უნდა გამოიძიოთ, დაადგინოთ და პასუხისგებაში მისცეთ ყველა ის პირი, ვინც ამაში მონაწილეობდა. ქვეყანა აქ ასე მარტივად ვერ გამოძვრება, თუ პრეცედენტებს მივყვებით, სტრასბურგი, ალბათ, ძალიან მალე იტყვის, რომ ეს საქმე უნდა იყოს გამოძიებული. ჩვენ ამ კვალს მივყავართ ოთარ ფარცხალაძესთან, რომლის არაფორმალურ გავლენებზეც პროკურატურაში, ყველა ინფორმირებული ვართ. გავიხსენოთ ყოფილ გენერალურ აუდიტორზე თავდასხმის ფაქტი, სადაც ის ფიგურირებს და ეს საქმე გამოუძიებელია. ხორავას ქუჩის ინციდენტშიც იჩინა თავი. სახელმწიფოს მაინც აქვს გამოსაძიებელი და დასადგენი ვინ გაიყვანა და სად გაიყვანეს ვანო მერაბიშვილი. მივმართავ შინაგან საქმეთა სამინისტროს, რომ დაიწყოს გამოძიება და გამოიძიონ. ეს იქნება ერთ-ერთი ნაბიჯი, რითაც ამ მითქმა-მოთქმას პასუხს გასცემენ - დაადასტურებენ ან უარყოფენ. მაგრამ ფაქტია, რომ აზრი მუსირებს და ამ კაცის სახელი და გვარი ბევრ საქმეში როგორც არაფორმალური გავლენის მქონე ადამიანის, ფიგურირებს“, - განაცხადა ლომჯარიამ.
მან დაამატა, რომ „შეიძლება, უფრო მეტი ინფორმაცია მაქვს, თუმცა, ის ხომ მაინც ვიცით, რომ მერაბიშვილის ციხიდან გაყვანასთან დაკავშირებით საქმე გამოსაძიებელია და ამას სახელმწიფო გვერდს ვერ აუვლის“.
საკვანძო სიტყვები:

ქვეყანას მართავს მაფიოზურ-ტერორისტული ოჯახი, რომელმაც მიიტაცა სახელმწიფო სრულად - შალვა ნათელაშვილი
7 მარტი, 2021 , 15:53
„გადავწყვიტე პარტიიდან გავიდე და სხვა ამპლუით ვებრძოლო ამ ხელისუფლებას“ - გოგი წულაიამ პარტია “თავისუფალი საქართველო` დატოვა
7 მარტი, 2021 , 14:19

ნატო ჩხეიძე: სხვების აზრი არ აინტერესებთ და რაც აინტერესებთ, კი იმუშავებენ იმ განხრით
7 მარტი, 2021 , 13:24

შალვა პაპუაშვილი ოპოზიციას: გამოდით ბაბლიდან, გამოდით... გარეთ მზეა. ცაც, ტელესტუდიებისგან განსხვავებით, უღრუბლო
7 მარტი, 2021 , 12:57

არ უნდათ პლებისციტი? მით უკეთესი, პირდაპირი მოთხოვნა არის ვადამდელი არჩევნები - ზაალ უდუმაშვილი
7 მარტი, 2021 , 11:56

პლებისციტი არის წარმოუდგენელი წინადადება - მამუკა მდინარაძე
7 მარტი, 2021 , 11:07