პოლიტიკა

მერიის თანამდებობის პირების ხელფასი არც ერთი თეთრით არ გაიზრდება - ბექა დავითულიანი

იმისათვის, რომ მოსახლეობა არ დაიბნეს, აუცილებელია კიდევ ერთხელ განვმარტოთ, რომ მერიის თანამდებობის პირების ხელფასი არც ერთი თეთრით არ გაიზრდება, - განცხადება ამის შესახებ თბილისის საკრებულოში მიმდინარე სხდომაზე ფრაქცია „ქართული ოცნება-დემოკრატიული საქართველო“-ს თავმჯდომარემ ბექა დავითულიანმა გააკეთა. მისი თქმით, სახელმწიფო მოხელეს დამატებითი რისკების მოსახსნელად სათანადო ანაზღაურება უნდა ჰქონდეს.

„ჩვენს კოლეგა ოპოზიციონერებთან უკვე წლებია ასეთ რეჟიმში გვიწევს თანაცხოვრება. რას ვიზამთ, ეს მათი სტილია, რომ ჭიქაში ქარიშხალი შექმნან. კიდევ ერთხელ, ხაზგასმით აღვნიშნავ, რომ საჯარო მოხელეთა ანაზღაურება ერთი თეთრით არ გაიზრდება“ -განაცხადა ბექა დავითულიანმა.

თბილისის საკრებულოში, ამ წუთებში სხდომა მიმდინარეობს, რომელზეც დღის წესრიგით გათვალისწინებულ სხვა საკითხებთან ერთად, მერიის სტრუქტურულ ცვლილებებს განიხილავენ.