უახლესი ამბები
- 19.04.2024 12:06საქართველოს ტერიტორიასა და მის ფარგლებს გარეთ მოქმედ პირთა გარკვეული ჯგუფი, 2023 წლის ოქტომბერ-დეკემბერში საქართველოში გეგმავდა დესტაბილიზაციას და სამოქალაქო არეულობის მოწყობას, რომლის საბოლოო მიზანი ხელისუფლების ძალადობრივი გზით შეცვლა იყო - სუს-ის ანგარიში
- 19.04.2024 11:50დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
არქივი
პოლიტიკა
მიხეილ სააკაშვილი საქართველოში დაბრუნებასა და ხელისუფლების შეცვლას აპირებს
საქართველოს ყოფილი პრეზიდენტი და ოდესის ექს-გუბერნატორი მიხეილ სააკაშვილი საქართველოში დაბრუნებასა და ხელისუფლების შეცვლას გეგმავს. ამის შესახებ პოლიტიკოსმა ვიდეომიმართვაში განაცხადა, რომელიც „ერთიანმა ნაციონალურმა მოძრაობამ“ გაავრცელა.
სააკაშვილის თქმით, ქვეყანაში მძიმე სოციალური ფონია და ამაში ქვეყნის ყოფილი პრემიერი ბიძინა ივანიშვილი დაადანაშაულა.
„მდგომარეობა არის კატასტროფული და გული მიკვდება, როცა ვუყურებ ქართული ოჯახების გაჭირვებას. ივანიშვილი საქართველოში აკეთებს ზუსტად იმავეს, რაც მან იცის 90-იანი წლებიდან. ის მოელაპარაკა რამდენიმე ბანკს და ბანკების დახმარებით დაკავებულია ქვეყნის გაჩანაგებით“, -თქვა სააკაშვილმა.
სააკაშვილის თქმით, ეკონომიკური სიტუაციის გამოსასწორებლად ხელისუფლების შეცვლაა საჭირო.
„ჩვენ ამ მაფიას, მე მიხეილ სააკაშვილი ამ მაფიას ვეუბნები, რომ ჩვენ გავაუქმებთ თქვენს მმართველობას, ჩვენ დავუბრუნებთ ეკონომიკურ ძალაუფლებას ქართულ ოჯახებს, თითოეულ ქართველს და ნამდვილ ქართულ ბიზნესებს. როდესაც ჩვენ ამას მივაღწევთ, ეს მოგვცემს საშუალებას გავზარდოთ ხელფასები“, -აღნიშნა ყოფილმა პრეზიდენტმა.
საქართველოს ყოფილი პირველი პირის განმარტებით, ხელისუფლების ცვლილება საპრეზიდენტო არჩევნების კვალდაკვალ უნდა მოხდეს, რასაც მოჰყვება პანსიის გაზრდა 400 ლარამდე.
„ხელისუფლება საქართველოში უნდა შეიცვალოს წელსვე საპრეზიდენტო არჩევნების კვალდაკვალ, ხელისუფლების შეცვლის შემდეგ საქართველოში მინიმალური პენსია იქნება 400 ლარი“, -თქვა სააკაშვილმა.
მან დაამატა, რომ აუცილებელია მასწავლებლების ხელფასის გაზრდა, ხოლო პოლიციელთა მინიმალური ანაზღაურება 2000 ლარი უნდა იყოს.
სააკაშვილის თქმით, ის თავად მიხედავს აღნიშნული გეგმების განხორციელებას.
„მე ვაპირებ ამით დავკავდე, მე თვითონ. ახლა ისინი ჩემზე შემდგომ საქმეებს აღძრავენ, მხოლოდ იმ მიზნით, რომ არც ვიფიქრო საქართველოში ჩასვლა, ვერ მოესწრებით, მე ჩამოვალ საქართველოში და ყველა ამ პროგრამას მე განვახორციელებ ჩვენს გუნდთან ერთად, მე არ მივატოვებ ქართველ ხალხს განსაცდელში. მაფიის თარეში უნდა დასრულდეს, საქართველო უნდა გათავისუფლდეს და ამოისუნთქოს შვებით“, -თქვა სააკაშვილმა.