პოლიტიკა
მიხეილ სააკაშვილმა მაშინ გაიმარჯვა, როდესაც ის დააკავეს - ზაალ უდუმაშვილი
„ერთიანი ნაციონალური მოძრაობის“ ერთ-ერთი ლიდერის, ზაალ უდუმაშვილის განცხადებით, საქართველოსა და უკრაინაში ოლიგარქიული მმართველობა დასრულდება.
„დღევანდელი ღირსების მანიფესტაცია არის შეხსენება, რომ ოლიგარქიული მმართველობა მაინც დასრულდება როგორც უკრაინაში, ასევე საქართველოში. მიხეილ სააკაშვილმა მაშინ გაიმარჯვა, როდესაც ის დააკავეს. ის რაც კიევში ხდება, გამოწვევაა. არცერთ ოფიციალურ სახელმწიფო უწყებას არ ჰქონია რეაგირება საქართველოს ყოფილი პრეზიდენტის დაკავებაზე. ეს სამარცხვინოა“, - თქვა უდუმაშვილმა.
„ერთიანი ნაციონალური მოძრაობა“ „ღირსების მანიფესტაციას“ მართავს. მსვლელობა დაიწყო რუსთაველის გამზირზე და მთავრობის ადმინისტრაციასთან დასრულდება.
აქცია უკავშირდება კიევში მიხეილ სააკაშვილის ირგვლივ დატრიალებულ მოვლენებს.
მსვლელობის გამო რუსთაველის გამზირზე საავტომობილო მოძრაობა ნაწილობრივ პარალიზებულია. უსაფრთხოებაზე ზრუნავს პატრული.
ანა მებურიშვილი