პოლიტიკა

მიხიელ სააკაშვილს უნდა აღუდგეს საქართველოს მოქალაქეობა და მიეცეს პოლიტიკურ პროცესებში მონაწილოების უფლება - ნაციონალური მოძრაობა

„ერთიანი ნაციონალური მოძრაობა“ საქართველოს ხელისუფლებას მოუწოდებს შეყვიტოს „პოლიტკურად მოტივირებული დევნა“ ყოფილი პრეზიდენტის მიხეილ სააკაშვილის წინააღმდეგ და აღუდგინოს მას საქართველოს მოქალაქეობა.

ამის შესახებ სპეციალურ ბრიფინგზე პარტიის ერთ-ერთმა წევრმა, ზაზა ბიბილაშვილმა განაცხადა.

მისი თქმით, გუშინ უკრაინაში პეტრო პოროშენკო დამარცხდა, საქართველოში კი, ბიძინა ივანიშვილი.

„მინდა მივულოცო საქართველოს და უკრაინის ყველა პატრიოტს. გუშინ დაიმსხვრა ივანიშვილ-პოროშენკოს შეთანხმება, ჩავარდა მათი გეგმა; გეგმა, რომელიც მათ ქართველი და უკრაინელი ხალხების ზურგს უკან დასახეს.

გუშინ უკრიანაში დამარცხდა პოროშენკო, გუშინ საქართველოში დამარცხდა ივანიშვილი და გუშინ ევრაზიაში დამარცხდა პუტინი.

ეს ტალღა მხოლოდ იკრებს ძალას და აუცილებლად ჩამოვა საქართველოში.

დღეს საქართველოს ხელისუფლებას აქვს ორი არჩევანი; ერთი, მოიქცნენ ისე, როგორც უკრაინაში იანუკოვიჩი იქცეოდა, ისე როგორც თავის დროზე საქართველოში ასლან აბაშიძე იქცეოდა, რომელსაც პირადი პატიმრები ყავდა და რომელიც არაფრად აგდებდა ევროსასამართლოს გადაწყვეტილებებს, ან მოიქცნენ ისე, როგორც იქნება ჩვენი ხალხის, ჩვენი ქვეყნის ინტერესებში.

ჩვენ, „ერთიანი ნაციონალური მოძრაობა“ მოვუწოდებთ, მათ დაუყოვნებლივ შეწყვიტონ პოლიტიკურად მოტივირებული დევნა მიხეილ სააკაშვილის წინააღმდეგ, დევნა რომელიც ვლადიმირ პუტინის მიერ არის დაკვეთილი.

დაუყოვნებლივ აღუდგეს მიხეილ სააკაშვილს საქართველოს მოქალაქეობა.

და მესამე, დაუყოვნებლივ მიეცეს მიხეილ სააკაშვილს საქართველოს პოლიტიკურ ცხოვრებაში დაბრუნების და პოლიტიკურ პროცესებში მონაწილეობის მიღების საშუალება“,-განაცხადა ზაზა ბიბილაშვილმა.

მონიკა დავლიანიძე