უკან

უახლესი ამბები

დღის კალენდარი

ანონსები

არქივი

პოლიტიკა

19 ივნისი, 2018 14:15
font-size

მინისტრობის კანდიდატების მოსმენა კამათისა და ურთიერთბრალდებების ფონზე მიმდინარეობს

პარლამენტში მინისტრთა კაბინეტის წევრების მოსმენა ხმაურისა და ურთიერთბრალდებების ფონზე მიმდინარეობს. კერძოდ, „ნაციონალური მოძრაობის“ წევრმა თინა ბოკუჩავამ გააკრიტიკა მმართველი გუნდი , საპარლამენტო კომიტეტების სხდომები ფორსირებულ რეჟიმში მიმდინარეობს და ის ვერ ახერხებს ევროინტეგრაციის საპარლამენტო კომიტეტის სხდომაზე დასწრებას.

მისი თქმით, ოპოზიციონერი დეპუტატები შემჭიდროვებული ვადების გამო მინისტრობის კანდიდატებისთვის კითხვების დასმას ვერ ახერხებენ. ამის საპასუხოდ საფინანსო-საბიუჯეტო კომიტეტის თავმჯდომარემ ირაკლი კოვზანაძემ განაცხადა, რომ ევროინტეგრაციის კომიტეტის სხდომა არ დაწყებულა, ხოლო დეპუტატების კითხვებს მინისტრი იწერს. ამის შემდეგ ოპოზიციონერი დეპუტატისა და საპარლამენტო უმრავლესობის წევრებს შორის მცირე შეკამათება მოხდა.

„თქვენ გინდათ დარბაზი , ბატონო ირაკლი, სადაც არავინ იქნება თქვენი პოლიტიკური გუნდის გარდა და ამიტომ გაწუხებთ ის, თქვენი სიტყვებით რომ ვთქვა - „ჩვენ აქ შემოვიპარეთ“ რომ დავსვათ კითხვები, რომლებიც ხალხს აწუხებს და რომელიც თქვენთვის ღიმილის მომგვრელია, რადგან თქვენ მხოლოდ თქვენი სკამები გაინტერესებთ, ისევ როგორც აქ მყოფ მინისტრებს“, - განაცხადა ბოკუჩავამ.

ბოკუჩავას უპასუხა უმრავლესობის წევრმა ზაზა გაბუნიამ, რომელმაც ოპოზიციონერი დეპუტატი სიცრუეში დაადანაშაულა. გაბუნიამ შეახსენა თინა ბოკუჩავას შეკითხვა გარემოს დაცვისა და სოფლის მეურნეობის მინისტრობის კანდიდატის, ლევან დავითაშვილის მიმართ. სიტყვით გამოსვლისას ბოკუჩავამ დასძინა, რომ ბიძინა ივანიშვილის დენდროლოგიურ პარკში ასწლოვანი ხეების გადატანას ერთი პოლიციელი ემსხვერპლა. ბოკუჩავა კონკრეტულად გულისხმობდა გასულ კვირას ქობულეთში, სოფელ მუხაესტატეს პოლიციის განყოფილების უფროსის მკვლელობას. როგორც „ნაციონალური მოძრაობის“ წევრები ამტკიცებენ, სამართალდამცველი ხის გადატანის პროცესს აკვირდებოდა.

„თქვენ თქვით ორი ტყუილი, ერთი, თითქოს მიმდინარეობდა ევროინტეგრაციის კომიტეტის სხდომა და მეორე , გაცილებით მძიმე ტყუილი, რომ ივანიშვილის ხის გადატანას შეეწირა პოლიციელის სიცოცხლე“, - უთხრა გაბუნიამ ბოკუჩავას.

ბოკუჩავამ კი გაბუნიასა და მთავრობის წევრებს მატყუარები უწოდა და ურჩია, ვიდრე სხვას დაადანაშაულებდნენ სიცრუეში, პარლამენტში დანიშნული სხდომების განრიგი გადაემოწმებინათ.

გაერთიანებულ სხდომაზე დეპუტატების წინაშე წარდგენისას გარემოს დაცვისა და სოფლის მეურნეობის მინისტრობის კანდიდატმა ლევან დავითაშვილმა ბოკუჩავას უთხრა, რომ ის აღნიშნულ ფორმატს იმისთვის იყენებს, რომ „მოსახლეობა შეცდომაში შეიყვანოს“.

არჩილ თალაკვაძემ ამერიკის შეერთებულ შტატებში პირველი სამუშაო ვიზიტი დაასრულა

20 ივლისი, 2019 , 11:23

საქართველოს პარლამენტის თავმჯდომარემ არჩილ თალაკვაძემ თანმხლებ დელეგაციასთან ერთად, ამერიკის შეერთებულ შტატებში პირველი სამუშაო ვიზიტი დაასრულა. ვიზიტის ბოლო დღეს არჩილ თალაკვაძემ შეხვედრები სახელმწიფო დეპარტამენტში, აშშ

ლაშა დარსალია ეუთო-ს გენერალურ მდივანს შეხვდა

20 ივლისი, 2019 , 10:59

18-19 ივლისს საქართველოს საგარეო საქმეთა მინისტრის მოადგილე ლაშა დარსალია სამუშაო ვიზიტით ვენაში იმყოფებოდა. საქართველოს საგარეო უწყების ცნობით, ვიზიტის ფარგლებში მინისტრის მოადგილე შეხვდა ეუთო-ს გენერალურ მდივანს, თომას

დავით ზალკალიანი ევროპისა და ევრაზიის საკითხებში აშშ-ის სახელმწიფო მდივნის თანაშემწეს შეხვდა

19 ივლისი, 2019 , 16:30

საქართველო-ამერიკის სტრატეგიული პარტნიორობის მიმდინარე საკითხები, რეგიონში არსებული უსაფრთხოების გარემო, საქართველოს ევრო-ატლანტიკური ინტეგრაციის პროცესი განიხილეს საქართველოს საგარეო საქმეთა მინისტრმა, დავით ზალკალინმა

საქართველოს დელეგაციამ გაერო-ს მაღალი დონის პოლიტიკურ ფორუმში მიიღო მონაწილეობა

19 ივლისი, 2019 , 11:44

საქართველოს დელეგაციამ მთავრობის ადმინისტრაციის უფროსის, კახა კახიშვილის ხელმძღვანელობით 13-19 ივლისს ნიუ-იორკში მდგრადი განვითარების მიზნების (SDG) შესახებ გაერო-ს მაღალი დონის პოლიტიკურ ფორუმში (HLPF) მიიღო მონაწილეობა

საქართველოში ტურიზმის მხარდასაჭერად ისრაელის დელეგაცია იმყოფება

18 ივლისი, 2019 , 14:20

„ისრაელის სახლის“ მოწვევით, თბილისს ისრაელის ქნესეთისა და პრემიერ ნეთანიაჰუს პარტიის - ლიქუდის წევრები, აგრეთვე, ბიზნესისა და მედიის წარმომადგენლები სტუმრობენ. 25-კაციან დელეგაციას ქნესეთის მმართველი კოალიციი

თავდაცვის მინისტრი ნატოს გენერალური მდივნის მოადგილის თანაშემწეს შეხვდა

18 ივლისი, 2019 , 11:15

თავდაცვის მინისტრმა, ლევან იზორიამ ოპერაციების საკითხებში ნატოს გენერალური მდივნის მოადგილის თანაშემწეს, ჯონათან პერიშს უმასპინძლა. მხარეებმა ნატო-საქართველოს ურთიერთობის სტრატეგიული ასპექტები და თანამშრომლობის განვითარე

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს