კომენტარი
მივმართავ ხელისუფლებას, გააცხადოს მისი პოზიცია - ემიჯნება თუ არა იგი სალომე ზურაბიშვილის მავნებლურ განცხადებას - ნიკა რურუა
ნაციონალური მოძრაობის წევრის, მთაწმინდის მაჟორიტარი დეპუტატობის კანდიდატის ნიკა რურუა მთავრობას მიმართავს, გააცხადოს მისი პოზიცია სალომე ზურაბიშვილის მიერ გაკეთებულ განცხადებასთან დაკავშირებით.
ამის შესახებ რურუამ პრესკონფერენციაზე განაცხადა.
„მინდა საზოგადოებას შევახსენო, რომ ეს სტატუსი, რომელიც რუსეთს მთელმა თავისუფალმა სამყარომ მიანიჭა, ფაქტის კონსტატაციაა და საქართველოს მოლაპარაკების წარმოებაში ხელს არანაირად არ უშლის. თუნდაც ჟენევის, ან სხვა ფორმატში. მივმართავ ხელისუფლებას, გააცხადოს მისი პოზიცია - ემიჯნება თუ არა ის ამ მავნებლურ განცხადებას და კვლავ უჭერს თუ არა მხარს ხელისუფლება ამ კანდიდატს აღნიშნული ანტისახელმწიფოებრივი განცხადების შემდეგ“,-განაცხადა რურუამ.
შეგახსენებთ, რომ მთაწმინდის დამოუკიდებელმა მაჯრიტარი დეპუტატობის კანდიდატმა სალომე ზურაბიშვილმა განაცხადა, რომ ოკუპანტის სტატუსი, რაც მიენიჭა რუსეთს და რაც არის რეალობის სწორი ასახვა, ამავე დროს ჩვენ ყველა მხრივ გვბლოკავს.
მონიკა დავლიანიძე