პოლიტიკა

მიზეზები არ დაილევა, ვიღაცა მივლინებაშია, ვიღაცა საქეიფოდ არის, ვიღაცა უქეიფოდ - ნუკრი ქანთარია უმრავლესობის სხდომის გადადებაზე

საპარლამენტო უმრავლესობის წევრის, ნუკრი ქანთარიას თქმით, უმრავლესობის სხდომის გამართვის თარიღის გადაწევა გუნდში არსებულ სიტუაციაზე უარყოფითად იმოქმედებს.

„რაც უფრო გადაიდება, მით უფრო გართულდება, იმიტომ რომ პრობლემა არ უნდა დააძინო, პრობლემას უნდა უმკურნალო და უნდა გადაჭრა“, -თქვა დეპუტატმა.

შეხვედრის გადადების კონკრეტულ მიზეზებზე ქანთარიას ინფრომაცია არ აქვს.

„მიზეზები არ დაილევა, ვიღაცა მივლინებაშია, ვიღაცა საქეიფოდ არის, ვიღაცა უქეიფოდ, როგორც ცნობილ ფილმშია, ვიღაც ავადაა, შეუძლოდაა. ასე ახლა ჩვენ სად წავალთ. ამიტომ ერთი დღე უნდა დაინიშნოს და იმ დღეს ყველამ მაქსიმალური მობილიზაცია უნდა მოახდინოს“, -თქვა ქანთარიამ.

უმრავლესობის სხდომა 19 აპრილს ქუთაისში უნდა გამართულიყო, თუმცა გადაიდო.