პოლიტიკა

მმართველობის ეფექტური სისტემა უნდა შევქმნათ, შესაბამისად ყველა საჭირო ცვლილება უნდა გატარდეს - თბილისის ახალი ვიცე-მერი

თბილისის ახალი ვიცე-მერის ირაკლი ხმალაძის განცხადებით, კახა კალაძის გუნდის ამოცანა იქნება იმ ცვლილებების გატარება, რომლებიც უზრუნველყოფს მმართველობის ეფექტური სისტემის ჩამოყალიბებას.

„ჩვენთვის მთავარია ის პროექტები, რომლებზეც ვსაუბრობდით წინასაარჩევნო კამპანიის დროს. ესენია სოციალური საკითხები, სამშენებლო სექტორში დაგეგმილი ცვლილებები, სატრანსპორტო თემები, მუნიციპალური ტრანსპორტი. ყველაფერი მნიშვნელოვანია. სტრუქტურული ცვლილებების თაობაზე ვერაფერს გეტყვით, ამ კვირის განმავლობაში უნდა გავიაროთ მთავრობის დამტკიცების პროცედურა და ამის შემდეგ ვიმსჯელებთ ცვლილებებზე. მმართველობის ეფექტური სისტემა უნდა შევქმნათ, შესაბამისად ყველა საჭირო ცვლილება უნდა გატარდეს“, - უთხრა ხმალაძემ ჟურნალისტებს.

შეგახსენებთ, დღევანდელ ბრიფინგზე თბილისის მერმა კახა კალაძემ ირაკლი ხმალაძის გარდა თავისი მოადგილეები წარადგინა. ესენი არიან მაია ბითაძე, ილია ელოშვილი, ირაკლი ბენდელიანი და გიგა ნიკოლეიშვილი.

თვითონ კალაძე მერის უფლებამოსილების შესრულებას დღეს შეუდგა.

ანა მებურიშვილი