სამართალი

მოსკოვში ე.წ კანონიერი ქურდი სერგი სამტრედსკი დაკავეს

მოსკოვში, 33 წლის ე.წ კანონიერი ქურდი სერგო ჩიხლაძე, იგივე სერგო სამტრედსკი, 14 მარტს დააკავეს.

დღეს, კი ჩიხლაძის საკითხის სასამართლო პროცესი გაიმართა და სასამართლომ დაადგინა, რომ ჩიხლაძის სამშობლოში დეპოორტაცია უნდა მოხდეს, რასაც ე.წ კანონიერი ქურდი სამიგრაციო ცენტრ „სახაროვოში“ დაელოდება.

ინტერნეტ გამოცემა Праим Краим-ის ინფორმაციით, ჩიხლაძე მოსკოვში, პოლიციის განყოფილებასთან ახლოს დააკავეს, თუმცა გამოცემისთვის ამის მიზეზი უცნობია.

Праим Краим აღნიშნავს, რომ სერგო ჩიხლაძე, ორი წლის წინაც იყო დაკავებული, მაშინ მას სამართალდამცველებმა ნარკოტიკული საშუალება ამოუღეს.

თუმცა, მაშინ სასამართლომ ჩიხლაძეს ფულადი ჯარიმის გადახდა დააკისრა.

მონიკა დავლიანიძე