უკან

უახლესი ამბები

დღის კალენდარი

ანონსები

არქივი

სამართალი

20 დეკემბერი, 2018 14:10
font-size

მოწმეთა ჩვენებებით დადასტურდა, რომ ზურაბ ადეიშვილს და გიორგი ლაცაბიძეს „იბერია ტვ“-ის ხელში ჩაგდების სურვილი ამოძრავებდათ - პროკურორი

თბილისის საქალაქო სასამართლოში ტელეკომპანია “იბერია”-ს სამაუწყებლო ლიცენზიის იძულებით დათმობის საქმეზე მორიგი სასამართლო პროცესი გაიმართა.

სასამართლოში გუშინ საღამოს გამართულ სხდომაზე ბრალდების მხარის დასკვნითი სიტყვა მოისმინეს.

საქმის პროკურორებმა დასკვნით სიტყვაში სასამართლოს წინაშე დაკითხული მოწმეების ჩვენებები მიმოიხილეს.

როგორც პროკურორმა ემზარ გაგნიძემ განაცხადა, მოწმეთა ჩვენებებით დადასტურდა რომ ბრალდებულებს - ყოფილ გენერალურ პროკურორს ზურაბ ადეიშვილს და მის მოადგილეს გიორგი ლაცაბიძეს „ომეგა ჯგუფში“ შემავალი ტელეკომპანია ,,იბერიას“ ხელში ჩაგდების სურვილი ამოძრავებდათ, რადგან იგი როგორც კრიტიკული მედიასაშუალება ხელისუფლების მიერ საფრხედ განიხილებოდა.

გაგნიძის თქმით, გენერალური პროკურატურის ყოფილი მაღალჩინოსნები უხეშად ჩაერიენ ,,ომეგა ჯგუფის“ დავალიანების რესტრუქტურიზაციის პროცესში, რადგან აღნიშნული უწყების უფლებამოსილებას არ წარმოადგენდა.

როგორც პროკურორმა აღნიშნა, ზურაბ ადეიშვილმა და გიორგი ლაცაბიძემ რესტრუქტურიზაცია გამოიყენეს როგორც ინსტრუმენტი ტელეკომპანიის ხელში ჩასაგდებად და გადაამეტეს სამსახურებრივ უფლებამოსილებას.

კერძოდ, გამოძიების ინფორმაციით, პროკურატურის ყოფილმა მაღალჩინოსნებმა ,,ომეგა ჯგუფის“ ხელმძღვანელობას იძულებით დაათმობინეს ტელეკომპანია ,,იბერიას“ სამაუწყებლო ლიცენზია იმ ულტიმატუმით, რომ წინააღმდეგ შემთხვევაში არ მოხდებოდა არც კომპანიებში მუშაობის პროცესის განახლება და არც დავალიანების რესტრუქტურიზაცია. მოწმეთა ჩვენებების მიხედვით, აღნიშნული ულტიმატუმი გიორგი ლაცაბიძემ ,,ომეგა ჯგუფის“ წარმომადგენელ ლევან აღდგომელაშვილს გენერალურ პროკურატურაში საკუთარ კაბინეტში წაუყენა.

რაც შეეხება ზურაბ ადეიშვილის საქმეში ჩართულობას, როგორც ბრალდების მხარის დასკვნით სიტყვაში აღინიშნა, ყოფილმა გენერალურმა პროკურორმა იმჟამინდელ კომუნიკაციების მარეგულირებელი კომისიის თავმჯდომარეს , დიმიტრი ქიტოშვილს დაავალა ლიცენზიის გადაფორმების პროცესის კურირება. ადეიშვილის მითითებით, „იბერია ტვ“-ის ლიცენზია უნდა გადაფორმებულიყო გენერალური პროკურატურისთვის სანდო პირზე.

პროკურატურის ინფორმაციით, ლიცენზიის დათმობის პროცესის შესახებ ზურაბ ადეიშვილს საქმის კურსში ჰყავდა ჩაყენებული იმჟამინდელი პრეზიდენტი მიხეილ სააკაშვილი.

,,სწორედ გიორგი ლაცაბიძემ და ზურაბ ადეიშვილმა ჩაიდინეს უფლებამოსილების გადამეტება, რაც დადასტურებულია არაერთი უტყუარი ავთენტური მტკიცებულებით“, - აღნიშნა პროკურორმა ემზარ გაგნიძემ.

ბრალდების მხარემ სასამართლოს წინაშე ზურაბ ადეიშვილისა და გიორგი ლაცაბიძისთვის გამამტყუნებელი განაჩენის გამოტანა და სასჯელის ზომად პატიმრობა მოითხოვა.

მომდევნო სასამართლო სხდომაზე საკუთარ დასკვნით სიტყვას დაცვის მხარე წარმოთქვამს.

საქმის განხილვა თბილისის საქალაქო სასამართლოში 24 იანვარს 17:30 საათზე გაგრძელდება.

ცნობისთვის, პროკურატურამ ტელეკომპანია ,,იბერიის’’ დახურვისა და სამაუწყებლო ლიცენზიის იძულებით ჩამორთმევის საქმე 2016 წლის თებერვალში გახსნა.

უწყების ინფორმაციით, აღნიშნულ ფაქტთან დაკავშირებით ყოფილი გენერალური პროკურორი ზურაბ ადეიშვილი და მისი პირველი მოადგილე გიორგი ლაცაბიძე სისხლის სამართლებრივ პასუხისგებაში მიეცნენ.

ნახევარ მილიონამდე ლარის ღირებულების ნარკოტიკებია ამოღებული

16 ივლისი, 2020 , 11:39

შინაგან საქმეთა სამინისტროს ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს თანამშრომლებმა, 1994 წელს დაბადებული ი.ხ. და 1996 წელს დაბადებული გ.დ. თბილის

არ ჩანს პოლიციის დაინტერესება, გამოძიოს რუსეთის ფედერაციის მოქალაქის წინააღმდეგ საქმე, რომელმაც სასამართლოს გადაწყვეტილება ყალბი დოკუმენტების საფუძველზე მიაღებია - „ახალგაზრდა ადვოკატები“

15 ივლისი, 2020 , 15:46

თბილისის საქალაქო სასამართლოს სამოქალაქო საქმეთა კოლეგიამ ბავშვთა საერთაშორისო გატაცების საქმეზე გადაწყვეტილება ყალბი დოკუმენტების საქმეზე მიიღო, რაც უპრეცედენტო მნიშვნელობის ფაქტია, მაგრამ მართლმსაჯულებისა და დანაშაულის

განსაკუთრებით დიდი ოდენობით ნარკოტიკული საშუალების შეძენა-შენახვა-გასაღებაში ბრალდებულს 10 წლით პატიმრობა მიესაჯა

15 ივლისი, 2020 , 13:40

საქართველოს პროკურატურის ინფორმაციით, ბათუმის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და განსაკუთრებით დიდი ოდენობით ნარკოტიკული საშუალების უკანონო შეძენა, შენახვა, გასაღებაში და

ქურდობისა და კომპიუტერულ სისტემაში უნებართვოდ შეღწევის ბრალდებით ხუთი პირი დააკავეს

15 ივლისი, 2020 , 11:07

შინაგან საქმეთა სამინისტროს თბილისის პოლიციის დეპარტამენტის საგამოძიებო მთავარი სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, მოსამართლის განჩინების საფუძველზე, თბილისსა და ბათუმში,

პროკურატურა მზადყოფნას გამოთქვამს, გიორგი შაქარაშვილის საქმის გამოძიების ფარგლებში სახალხო დამცველთან ითანამშრომლოს

14 ივლისი, 2020 , 14:44

საქართველოს პროკურატურა მზადყოფნას გამოთქვამს, გიორგი შაქარაშვილის საქმის გამოძიების ფარგლებში, ნებისმიერ ეტაპზე ითანამშრომლოს სახალხო დამცველთან. პროკურატურის ინფორმაციით, აღნიშნულთან დაკავშირებით, პროკურატურის წარმომად

„ქურდული სამყაროს“ წევრები დააკავეს, რომლებიც „ოკრიბას“ ტერიტორიაზე მძღოლებს ყოველთვიურად თანხას სძალავდნენ

14 ივლისი, 2020 , 14:30

შინაგან საქმეთა სამინისტროს თბილისის პოლიციის დეპარტამენტის თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად სამი პირი: 1971 წელს დაბადებული მ.რ., 1968 წელს დაბადებული ლ.ა და 1973 წელს დ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე