კომენტარი

მთავრობას მხოლოდ მეოთხე დღეს გაახსენდა, რომ ლოცვა იყო აუცილებელი - რომან გოცირიძე

ნაციონალური მოძრაობის წევრი რომან გოცირიძე, სოფელ დაბაში სასულიერო პირების მიერ ჩატარებულ პარაკლისს გამოეხმაურა, რომელსაც პრემიერიც ესწრებოდა.

როგორც გოცორიძემ Facebook-ის პირად გვერდზე დაწერა, მთავრობას მხოლოდ მეოთხე დღეს გაახსენდა, რომ თეოდემოკრატიულ სახელმწიფოს აშენებს და ლოცვა იყო აუცილებელი.

„ბორჯომის ხეობაში სასულიერო პირებთან ერთად პრემიერ-მინისტრმაც ილოცაო. როდესაც ნახევრადსეკულარულ სახელმწიფოზე აქვთ პრეტენზია, რატომ არ გაახსენდა მთავრობას ეს დღემდე? ამიტომაა ხალხი უნიათოებსა და დოყლაპიებს რომ ეძახის. ამდენი მეზობელი ქვეყანა ააწრიალეს, ამდენი თვითმფრინავები და ვერტმფრენები გამოგვიგზავნეს, ამდენი აწვალეს მეხანძრეები და ამდენი ტყე განადგურდა, მთავრობას კი მხოლოდ მეოთხე დღეს გაახსენდა, რომ თეოდემოკრატიულ სახელმწიფოს აშენებს და ლოცვა იყო აუცილებელი. დღეს ხანძარი ჩაქრება! დაგვიანებისათვის ხელისუფლება აგებს პასუხს!“,-დაწერა გოცირიძემ.

მონიკა დავლიანიძე