არქივი
პოლიტიკა
მთავრობის სტრუქტურული რეორგანიზაციის პაკეტიდან დაზვერვის სამსახურის სუს-თან შეერთების კანონპროექტებია გაწვეული - გია ვოლსკი
პარლამენტის ვიცე-სპიკერის, გია ვოლსკის ინფორმაციით, მთავრობის სტრუქტურული რეორგანიზაციის პაკეტიდან 12 კანონპროექტია გაწვეული, რომელიც ეხება დაზვერვის სამსახურის სახელმწიფო უსაფრთხოების სამსახურთან შეერთებას. ამის შესახებ მან IPN-ს უთხრა.
რაც შეეხება კრიზისების მართვის საბჭოსა და გარემოს დაცვისა და ბუნებრივი რესურსების სამინისტროს გაუქმებას, მასთან დაკავშირებული კანონპროექტი ცვლილებათა პაკეტში რჩება, თუმცა ამ საკითხზე კონსულტაციები გრძელდება.
„აღნიშნული გადაწყვეტილება პარლამენტსა და მთავრობას შორის კონსულტაციების შედეგად არის მიღებული. არსებობს მყარი გარანტია იმისა, რომ გარემოს დაცვის სამინისტროს მიმართულებით დაგეგმილ გაერთიანებაში გარემოს დაცვის კომპონენტი მნიშნელოვნად მხარდაჭერილი იქნება, თუმცა, ამ თემაზე კვლავ გაგრძელდება ბჭობა“,- თქვა ვოლსკიმ.