უკან

უახლესი ამბები

დღის კალენდარი

ანონსები

არქივი

რეგიონები

9 ნოემბერი, 2018 15:35
font-size

მთავრობის წარმომადგენლებმა სამეგრელოს რეგიონის დასახლებებში გაზიფიცირების მიმდინარე და დასრულებული სამუშაოები დაათვალიერეს

სამეგრელოს რეგიონში გაზიფიცირების სამუშაოები ძალიან აქტიურ რეჟიმში მიმდინარეობს, დღევანდელი მონაცემებით, რეგიონში უკვე 70 000-მდე აბონენტს მიეცა ბუნებრივი აირის ქსელში ჩართვის საშუალება. მალე დასრულდება ინფრასტრუქტურის მშენებლობა სენაკის, ზუგდიდის, მარტვილის, ჩხოროწყუსა და წალენჯიხის მუნიციპალიტეტებში დარჩენილ გარკვეულ დასახლებებში და, საბოლოო ჯამში, 2019-2020 წლებში მთლიანად დასრულდება სამეგრელოს რეგიონის გაზიფიცირება, - ამის შესახებ ეკონომიკისა და მდგრადი განვითარების მინისტრის მოადგილემ, ნათია თურნავამ ზუგდიდის რაიონის სოფელ შამგონაში მოსახლეობასთან შეხვედრის დროს განაცხადა, სადაც გაზიფიცირების სამუშაოები დასრულდა და 500-მდე აბონენტს მიეცა ქსელში ჩართვის შესაძლებლობა.

ნათია თურნავამ სახელმწიფო რწმუნებულთან სამეგრელოსა და ზემო სვანეთში ალექსანდრე მოწერელიასთან და გაზის ტრანსპორტირების კომპანიის დირექტორთან, ჯაბა ხმალაძესთან ერთად სოფელ შამგონაში ერთ-ერთ ოჯახში გაზის ანთების სიმბოლურ ცერემონიაში მიიღო მონაწილეობა. შამგონა კონფლიქტის ზონასთან მდებარე სოფელია.

„ეს არის კონფლიქტის ზონის მიმდებარე სოფელი, აქ ცხოვრობს მოსახლეობა, რომელიც საქართველოს ხელისუფლებისგან განსაკუთრებულ ყურადღებას მოითხოვს. ძალიან მიხარია, რომ მოგვეცა შესაძლებლობა, ეკონომიკის სამინისტროს სახელით ამ ადამიანებს მივულოცოთ გაზის ჩართვა, რაც სახელმწიფო ბიუჯეტიდან დაფინანსდა და გაზის ტრანსპორტირების კომპანიამ განახორციელა. ვულოცავ მათ ამ დღეს“ - განაცხადა ნათია თურნავამ.

როგორც შამგონაში მცხოვრები ალეკო შერვაშიძე აცხადებს, სოფელში მთავრობის ყველა დანაპირები შესრულდა, მათ შორის წყლის სანაპირო ჯებირების გამაგრება, გზისა და სანიაღვრეების დაგება-მოწყობა და გაზის შეყვანა. „გაზიფიცირება, რა თქმა უნდა, კარგია - შეშა გვიჯდებოდა დაახლოებით 600 ლარამდე, ახლა კი, ვფიქრობთ, გაზის მოხმარების ხარჯი გვექნება ალბათ 100 ლარი, რაც დიდი შეღავათია ჩვენთვის“ - აღნიშნა ალეკო შერვაშიძემ.

საქართველოს გაზის ტრასპორტირების კომპანიის ხელმძღვანელის, ჯაბა ხმალაძის ინფორმაციით, პროექტის ფარგლებში სოფელ შამგონაში 36740 გრძივი მეტრი გაზსადენი აიგო. გარდა ამისა, მისივე თქმით, 7 ნოემბერს გაზიფიცირებისთვის საჭირო სამუშაოები დაიწყო ზუგდიდის მუნიციპალიტეტის სოფელ ზედა ეწერშიც, რომლის დასრულების შემდეგ კიდევ 552 აბონენტს მიეცემა ბუნებრივი გაზის ქსელში ჩართვის შესაძლებლობა.

კომპანიის ინფორმაციით, 2019 წლისთვის დასრულდება ქალაქ მარტვილში დარჩენილი უბნების გაზიფიცირება და 1258 აბონენტი ჩაერთვება ქსელში. ასევე 2019-2020 წლებში დაგეგმილია დაბა ჩხოროწყუსა და ქ. წალენჯიხას გაზიფიცირებისთვის საჭირო სამუშაოების განხორციელება, რომლის შედეგად 4506 კომლი შეძლებს ბუნებრივი გაზის ქსელში ჩართვას.

დღევანდელი მონაცემებით, უკვე გაზიფიცირებულია საქართველოს მოსახლეობის 86%. პროცესი გრძელდება და გეგმის მიხედვით, მალე გაზიფიცირებული იქნება აბონენტების დანარჩენი ნაწილიც. გაზიფიცირების პროცესს საქართველოს გაზის ტრანსპორტირების კომპანია და „სოკარი“ ერთობლივად ახორციელებენ. გაზიფიცირებისთვის საჭირო ინფრასტრუქტურის ქსელის მშენებლობისთვის დღემდე სახელმწიფო ბიუჯეტიდან 160 000 000-მდე ლარია გამოყოფილი.

საბაჟო გამშვები პუნქტი ,,სარფი“ 13-15 ნოემბერს შეფერხებით იმუშავებს

13 ნოემბერი, 2018 , 13:50

ფინანსთა სამინისტროს შემოსავლების სამსახურის ინფორმაციით, საბაჟო გამშვები პუნქტი ,,სარფი“ 13-15 ნოემბერს შეფერხებით იმუშავებს. ,,ფინანსთა სამინისტროს შემოსავლების სამსახური გაცნობებთ, რომ თურქეთის მხარეს, საბაჟოზე

ფინანსთა სამინისტროს საგამოძიებო სამსახურმა ოქროს კონტრაბანდის ფაქტი გამოავლინა

13 ნოემბერი, 2018 , 13:50

საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, საქართველოს საბაჟო საზღვარზე განსაკუთრებით დიდი ოდენობით საქონლის

თერჯოლაში ტრაქტორი გადაბრუნდა და 18 წლის ბიჭი მოიყოლა

12 ნოემბერი, 2018 , 11:15

თერჯოლის სოფელ ნახშირღელეში მომხდარ შემთხვევას ახლაგაზრდა მამაკაცის სიცოცხლე ემსხვერპლა. არსებული ინფორმაციით, ტრაქტორი გადაბრუნდა და 18 წლის ბიჭი მოიყოლა. იგი ადგილზე გარდაიცვალა. შინაგან საქმეთა სამინისტროს ცნობით, მომ

ბაღდათში ტყეში გაჩენილი ხანძრის ჩაქრობის პროცესი დილიდან განახლდა

12 ნოემბერი, 2018 , 11:00

ბაღდათში, სოფელ ზეკარის მიმდებარე ტერიტორიაზე ტყეში გაჩენილი ხანძრის ჩაქრობის პროცესი დღეს დილიდან განახლდა. საგანგებო სიტუაციების მართვის სამსახურის ცნობით, ადგილზე 200 მეხანძრე მაშველი მუშაობს. იწვის შერეული ტყის ქვედა

სოფელ ქვათახევის ტყეში ხანძარი ლიკვიდირებულია

12 ნოემბერი, 2018 , 11:00

კასპში, სოფელ ქვათახევის ტყეში ხანძარი ლიკვიდირებულია. საგანგებო სიტუაციების მართვის სამსახურის ინფორმაციით, დამწვარია 10 ჰექტარი მიწის ფართობი. უწყების ცნობით, რთული რელიეფის გამო ხანძრის ქრობის პროცესში ჩართული იყო ცოც

ბაღდათში, სოფელ ზეკარის მიმდებარე ტერიტორიაზე ხანძარია

10 ნოემბერი, 2018 , 17:20

ბაღდათში, სოფელ ზეკარის მიმდებარე ტერიტორიაზე შერეული ტყის ქვედა საფარი იწვის. ამის შესახებ ინფორმაციას საგანგებო სიტუაციების მართვის სამსახური ავრცელებს. წინასწარი ინფორმაციით, დამწვარია 5 ჰა ფართობი. საგანგებო სიტუაციე