სამართალი

მუსტაფა ემრე ჩაბუქის ექსტრადირების საქმის სასამართლო განხილვა 19 თებერვლამდე გადაიდო

დემირელის კოლეჯის ყოფილი მენეჯერის, მუსტაფა ემრე ჩაბუქის ექსტრადირების საქმეზე სასამართლო განხილვა 19 თებერვლამდე გადაიდო.

მოსამართლემ არსენ კალატოზიშვილმა დააკმაყოფილა დაცვის მხარის შუამდგომლობა და პროცესი ბრალდების მხარის მოსმენის შემდეგ გადადო. დაცვის მხარემ არგუმენტირებული პოზიციის წარსადგენად გონივრული ვადა ითხოვა.

მოსამართლის განმარტებით, საქმესთან დაკავშირებით მიღებულია სახალხო დამცველის, „ახალგაზრდა იურისტთა ასოციაციის“ თავმჯდომარისა და ადამიანის უფლებების სწავლებისა და მონიტორინგის ცენტრის დირექტორის სასამართლოს მეგობრის პოზიციები, რომელთა გაცნობისთვის დრო სჭირდება.

თურქეთის მოქალაქე მუსტაფა ემრე ჩაბუქი 24 მაისს დააკავეს თურქეთის მხარის მოთხოვნით, რომელიც ამტკიცებს, რომ ჩაბუქი ტერორისტული ორგანიზაციის საქმიანობაში იყო ჩართული. დაკავებულსა და მის ოჯახს საქართველოს დევნილთა სამინისტრომ ლტოლვილთა სტატუსსზე უარი უთხრა.

დემირელის კოლეჯის ყოფილ მენეჯერს წინსაექსტრადაციო პატიმრობის დრო საქართველოს საპატიმროში 24 თებერვალს უმთავრდება.