უახლესი ამბები
- 21.05.2024 18:05მამუკა მდინარაძე MEGOBARI Act-ზე: რეალურად, ამ სატესტო ინიციატივის მიზანია ჩამქრალი საპროტესტო მუხტის ხელახლა გაღვივება
- 21.05.2024 17:18აშშ-ს ხელს არც აქამდე უშლიდა არაფერი, რომ მოეხდინა საქართველოსთან იმ პაკეტების რეალიზაცია, რაზეც ამ წერილშია საუბარი - ირაკლი ქადაგიშვილი
- 21.05.2024 17:06MEGOBARI Act `ოცნებას` სანქციებს, საქართველო მოსახლეობას კი სიკეთეებს ჰპირდება - ირაკლი კუპრაძე
არქივი
პოლიტიკა
ნატოს საპარლამენტო ასამბლეის დელეგაცია ე.წ. სამხრეთ ოსეთთან გამყოფ ზოლში არსებულ ვითარებას გაეცნო
ნატოს საპარლამენტო ასამბლეის დელეგაციამ ოკუპირებულ ახალგორთან ახლოს მდებარე სოფელი ოძისი მოინახულა. მათ ადგილზე არსებული ვითარება სუს-ის წარმოამდგენლებმა და პარლამენტარებმა გააცნეს, მათ ასევე ჰქონდათ საშუალება, ენახათ თბილისიდან 40 კილომეტრში მდებარე რუსული სამხედრო ბაზა.
ალიანსის წევრი ქვეყნების წარმომადგენლებმა საქართველოს ტერიტორიულ მთლიანობასა და სუვერენიტეტს მხარდაჭერა გამოუცხადეს.
პორტუგალიის პარლამენტის დეპუტატმა, ჯულიო მირანდა ქალემ იმედი გამოთქვა, რომ კონფლიქტი მშვიდობიანად მოგვარდება.
„2008 წლის მოვლენებს აქტიურად ვადევნებდით თვალს. ახლა აქ ყოფნა მაგონებს იმას, რაც კორეაში ვნახე, საზღვარი სამხრეთ და ჩრდილოეთ კორეას შორის. ახლაც იგივე მწუხარების შეგრძნება მაქვს. ვფიქრობ იმ ხალხზე, რომელიც აქ ცხოვრობს და, რომლებსაც გადაადგილებისა და ოჯახების ნახვის საშუალება არა აქვთ. იმედი მაქვს, რომ მშვიდობიანი მოგვარების გზებს ვიპოვით“, - განაცხადა ქალემ.
შეგახსენებთ, გუშინ დაიწყო ნატოს საპარლამენტო ასამბლეის საგაზაფხულო სესია, რომელიც 29 მაისის ჩათვლით გაგრძელდება.
ანა მებურიშვილი