პოლიტიკა
„ნაციონალურ მოძრაობას“, რუსთავი 2-ს, თქვენს ხელმძღვანელებს არანაირი მორალური უფლება არ გაქვთ, ისაუბროთ ომზე - კახა კალაძე რ2-ის ჟურნალისტს
თბილისის მერი კახა კალაძე გამოეხმაურა „ევროპული საქართველოს“ პრეზიდენტობის კანდიდატ დავით ბაქრაძის განცხადებას, რომ რუსეთი ჰააგაში საქართველოს წინააღმდეგ არგუმენტად სალომე ზურაბიშვილის წიგნიდან ციტატებს იყენებს.
კალაძემ ამაზე უპასუხა, რომ წინა მთავრობის წარმომადგენლებს არ აქვთ მორალური უფლება, ომზე ისაუბრონ.
„რა განცხადებებზე საუბრობთ? ქმედებებია წინა ხელისუფლების დროს განხორციელებული და ტერიტორიები გვაქვს დაკარგული. „ნაციონალურ მოძრაობას“, თქვენს ტელევიზიას, თქვენს ხელმძღვანელებს არანაირი მორალური უფლება არ გაქვთ ისაუბროთ ომზე, იმიტომ, რომ თქვენ იყავით ერთ-ერთი მთავარი მონაწილე იმის, რომ ჩვენ დავკარგეთ ტერიტორიები, დავკარგეთ უამრავი ადამიანის სიცოცხლე, ჩვენი გმირები, მშვიდობიანი მოსახლეობა, 200-მდე სოფელი. დღეს ჩვენი ტერიტორიების 20% არის ოკუპირებული და გამოდიხართ და საუბრობთ ომზე, ძალიან უხერხულია, ძალიან“, - განუცხადა კალაძემ რუსთავი2 - ის ჟურნალისტს.