პოლიტიკა

„ნუ შეურაცხყოფ გმირებს“, „სალომე ვოვას ფავორიტი“ - ქუთაისში სალომე ზურაბიშვილის შეხვედრა ამომრჩეველთან პროტესტის ფონზე მიმდინარეობს

ქუთაისში რამდენიმე მოქალაქე პრეზიდენტობის კანდიდატ სალომე ზურაბიშვილს საპროტესტო აქციით შეხვდა.

შეკრებილები აპროტესტებენ ზურაბიშვილის განცხადებებს 2008 წლის აგვისტოს ომთან დაკავშირებით.

მესხიშვილის სახელობის თეატრთან, სადაც ზურაბიშვილი ამომრჩეველს ხვდება, „ნაციონალური მოძრაობის“ წარმომადგენლები შეიკრიბნენ. მათ პლაკატებიც მიიტანეს წარწერებით: „ნუ შეურაცხყოფ გმირებს“, „სალომე ვოვას ფავორიტი“.

მოქალაქეების გარკვეულმა ნაწილმა თეატრის შენობაში შესვლა სცადა, რისი უფლებაც მათ დაცვამ არ მისცა.

ცნობისთვის, გუშინ სალომე ზურაბიშვილმა ტვ პირველის გადაცემა „რეაქციაში“ განაცხადა, რომ ქართულმა მხარემ დაბომბა ცხინვალში მცხოვრები „ჩვენი მოსახლეობა“.