უკან
უახლესი ამბები
არქივი
პოლიტიკა
30 ივნისი, 2017 17:45
ნუკრი ქანთარიამ რომან გოცირიძეს პარლამენტის პლენარულ სხდომაზე კუპონები მიუტანა
საპარლამენტო უმრავლესობის წევრმა ნუკრი ქანთარიამ უმცირესობის წარმომადგენელ რომან გოცირიძეს პარლამენტის პლენარულ სხდომაზე კუპონები მიუტანა.
ქანთარიამ კუპონები გოცირიძეს 2016 წლის სახელმწიფო ბიუჯეტის შესრულების ანგარიშთან დაკავშირებით მისი კრიტიკის საპასუხოდ წარუდგინა.
“რომან გოცირიძის დიდი წარმატების და შემოქმედების მწვერვალი ჩვენ ვიცით. ეს „მწვერვალი“ ამასწინათ აღმოვაჩინე და წამოვიღე – გაგახსენებთ იმ დროს, საქართველოს მოქალაქეები უცბად მილიონერები რომ გახდნენ, ეს არის თქვენი მილიონები და როცა კრიტიკული გამოსვლა გექნებათ, იქნებ ესეც გაიხსენოთ”, - განაცხადა პარლამენტის ტრიბუნიდან ნუკრი ქანთარიამ და სადემონსტაციოდ გოცირიძეს კუპონის რამდენიმე კუპიურა წარუდგინა.
ნინო ექვთიმიშვილი