უკან

უახლესი ამბები

დღის კალენდარი

ანონსები

არქივი

პოლიტიკა

20 სექტემბერი, 2018 11:40
font-size

„ომეგა-სიგარეტის ბაზრის გახლეჩა“ – „კურიერმა“ „ომეგა ჯგუფის“ საქმეზე მორიგ სკანდალურ დოკუმენტს მიაგნო

„კურიერმა“ „ომეგა ჯგუფის“ საქმეზე მორიგი დოკუმენტი გამოაქვეყნა. „ომეგა-სიგარეტის ბაზრის გახლეჩა“ - აღნიშნული სათაურის მქონე წესდებით უნდა მომხდარიყო თამბაქოს ბაზარზე წილების გადანაწილება სწორედ იმ სქემით, რომელიც მედიაში გავრცელებულ ფარულ ჩანაწერშია ნაჩვენები.

დოკუმენტი დათარიღებულია 2017 წლით და ის „ომეგა ჯგუფის“ მენეჯერის მეილზე ვანო ჩხარტიშვილის ადვოკატისგან, ლაშა კალანდაძისგან გაიგზავნა. წესდებაში დეტალურადაა აღწერილი, როგორ უნდა გადანაწილებულიყო წილები, „ომეგა ჯგუფს“, „თბილისის თამბაქოსა“ და ე.წ. ფონდს შორის, როგორც ირაკლი ჩუბინიშვილი სკანდალურ ჩანაწერში, პარტია „ქართულ ოცნებას“ მოიხსენიებდა.

„ეს არის წესდება იმ კომპანიისა, რომელიც უნდა შექმნილიყო იმ კორუფციული სქემის საფუძველზე, რომლის პრეზენტაციას დიდი გულმოდგინებით ახდენდნენ ვანო ჩხარტიშვილი და ირაკლი ჩუბინიშვილი.

ამ დოკუმენტში წერია, რომ 25-25% უნდა გადანაწილებულიყო, პირობითად წერია აქ Y- და Z-წარმომაგენლები, ანუ „თბილისის თამბაქო“ და „ომეგა ჯგუფი“, ხოლო X, რომელიც 50%-ს ფლობდა ამ წესდების მიხედვით, არის ზუსტად ის ფონდი, რომელსაც ჩუბინიშვილი მოფერებით ეძახდა „ქართული ოცნების“ პარტიას“, - განაცხადა „ომეგა ჯგუფის“ მთავარმა მენეჯერმა ლევან აღდგომელაშვილმა.

დოკუმენტის მიხედვით, ტელეკომპანია „იბერიის“ დამფუძნებელი „ომეგა ჯგუფის“ წილები ზუსტად იმ სქემით ნაწილდება, როგორც ეს ირაკლი ჩუბინიშვილმა და ვანო ჩხარტიშვილმა, ბიძინა ივანიშვილის სახელით დაფაზე დაწერეს. 100%-დან წილის ნახევარი, 50% ე.წ. ფონდში, ანუ მმართველი პარტიაში ფინანსური დირექტორის პოსტზე დანიშნული პარტიის წარმომადგენლის გავლით ჩაირიცხებოდა, 25%-ით წილში „თბილისის თამბაქო“ - კომერციული დირექტორის სახით და დისტრიბუციის სრული მონოპოლიით შედიოდა, „ომეგა ჯგუფს“ კი მხოლოდ 25% და გენერალური დირექტორის პოსტი რჩებოდა, გადამწყვეტი ხმის უფლების გარეშე.

„ხმათა უმრავლესობა იყო პარტიისა და „თბილისის თამბაქოსი“, ანუ ვანო ჩხარტიშვილისა და ირაკლი ჩუბინიშვილის ხელში“, -თქვა აღდგომელაშვილმა.

კითხვაზე, რა პასუხი გასცა „ომეგა ჯგუფმა“ ამ შემოთავაზებაზე, აღდგომელაშვილმა უპასუხა, რომ კომპანიამ აღნიშნულ გარიგებაზე უარი თქვა.

„იქიდან გამომდინარე, რომ ეს ფირმა არ არსებობს,ალბათ პასუხი ნათელია“, - განაცხადა აღდგომელაშვილმა.

ცნობისთვის, 7 სექტემბერს ტელეკომპანიის ჟურნალისტებმა საგანგებო განცხადება გაავრცელეს, რომელშიც აღნიშნულია, რომ ხელისუფლებამ „იბერიას“ გადაუკეტა დაფინანსების მთავარი წყარო. კერძოდ, კომპანია ,,ომეგა ჯგუფი“, რომლის შემადგენლობაშიც შედის ტელეკომპანია ,,იბერია“, პარალიზებულია. ტელეკომპანიის განცხადებით, ხელისუფლებამ წარმოება მიზანმიმართულად გააჩერა.

ამას მოჰყვა რამდენიმე ფარული ჩანაწერის გავრცელება მედიაში. ერთ-ერთ მათგანში, რომელიც „კურიერმა“ გამოაქვეყნა, ასახულია შეხვედრა, სადაც ვანო ჩხარტიშვილი და ირაკლი ჩუბინიშვილი ზაზა ოქუაშვილთან აღნიშნულ სქემაზე მსჯელობდნენ.

პროკურატურა ამ ეტაპზე მხოლოდ იმ ჩანაწერის საქმეს სწავლობს, სადაც სპორტის ყოფილი მინისტრი, ლევან ყიფიანი ფიგურირებს.

ნულოვანი თამაში საქართველოში დასრულებულია და მხოლოდ ერთადერთი გზა დაგვრჩა: შეთანხმების, თანხმობის და წინსვლის - პრეზიდენტი

9 აპრილი, 2021 , 15:11

საქართველოს პრეზიდენტი, სალომე ზურაბიშვილი ევროკავშირის მედიაციით საქართველოში გამართულ მოლაპარაკებების ორ რაუნდს გამოეხმაურა და თქვა, რომ დათმობაზე ორივე მხარე უნდა წასულიყო, თუმცა კომპრომისის გამბედაობა არც ხელისუფლება

ჩვენ ვდგამთ ნაბიჯებს, რათა შეთანხმება მოხდეს - არჩილ თალაკვაძე

9 აპრილი, 2021 , 14:15

ჩვენ როგორც ხელისუფლება მაქსიმალურად კონსტრუქციულად ვმუშაობთ და ვდგამთ ნაბიჯებს იმისთვის, რომ შეთანხმება მოხდეს - სწორედ ამის შედეგია განცხადებები, რასაც ბოლო ორი დღის განმავლობაში ოპოზიციის ჯანსაღი ნაწილისგან ვისმენთ, -

სიფრთხილე რომ გამოგვეჩინა, არ მივიღებდით არც პოზნერის ვიზიტით გამოწვეულ ვნებათაღელვას და არც გავრილოვს მივუშვებდით პარლამენტის თავმჯდომარის სავარძელში - სალომე ზურაბიშვილი

9 აპრილი, 2021 , 14:15

მეტი სიფრთხილით მივუდგეთ ყველა შესაძლო მანიპულირებას, რომლის ინიციატივაც შეიძლება, ქვეყნის გარედანაც მოდიოდეს. სიფრთხილე რომ გამოგვეჩინა, არ მივიღებდით არც პოზნერის ვიზიტით გამოწვეულ ვნებათაღელვას და არც გავრილოვს მივუშვ

მომავალ კვირას დაიდება ახალი შინაარსის დოკუმენტი - გიორგი ვაშაძე

8 აპრილი, 2021 , 20:15

შემიძლია გითხრათ, რომ მომავალ კვირას 5-ვე საკითხთან დაკავშირებით დაიდება ახალი შინაარსის დოკუმენტი - განცხადებას ამის შესახებ "სტრატეგია აღმაშენებლის" ლიდერი გიორგი ვაშაძე აკთებს და ამბობს, რომ "შეთანხმება აუცილებლად იქნ

ირაკლი ღარიბაშვილი - ყველაფერი უნდა გავაკეთოთ, რათა არ დავუშვათ მესამე ტალღა და თავი ავარიდოთ მკაცრ შეზღუდვებს

8 აპრილი, 2021 , 17:00

პირველ რიგში მინდა, შევეხო ეპიდემიოლოგიურ მდგომარეობას, რომელიც, სამწუხაროდ, მძიმდება მთელ მსოფლიოში და მათ შორის ჩვენს ქვეყანაშიც; შემთხვევების მატება, რაც ბოლო დღეებში აშკარაა თითოეული ჩვენგანისგან მეტ ყურადღებას და მე

სალომე ზურაბიშვილი დეპუტატებს წლიურ ანგარიშს ხვალ წარუდგენს

8 აპრილი, 2021 , 16:30

საქართველოს პრეზიდენტ სალომე ზურაბიშვილს ხვალ პარლამენტში მოუსმენენ. სალომე ზურაბიშვილი დეპუტატებს გასული წლის ანგარიშს წარუდგენს. იქიდან გამომდინარე, რომ ხვალ პლენარული სხდომების კვირა არ არის, საჭირო იქნება რიგგარეშე ს