საზოგადოება

“ორი რამით დარჩება სამუდამოდ: „ქორწილით` და გეგას მამობით” - გარდაიცვალა რეჟისორი მიხეილ კობახიძე

ცნობილი ქართველი რეჟისორი მიხეილ კობახიძე 80 წლის ასაკში ავადმყოფობის შედეგად გარდაიცვალა.

პუბლიცისტი იოსებ ჭუმბურიძე სოციალურ ქსელში წერს:

„25 წლის იყო, „ქორწილი" რომ გადაიღო;
30 წლისას დამოუკიდებლად ფილმის გადაღება აუკრძალეს;
44 წლისას გეგა დაუხვრიტეს - ქართული კინოს ამომავალი ვარსკვლავი;
57 წლის ასაკში სამშობლო დატოვა...
***
ორი რამით დარჩება სამუდამოდ:
„ქორწილით" და გეგას მამობით.
ძნელი სათქმელია, რომელი რომელს გადაწონის.
***
რამდენმა გადაიღო ბევრი გრძელი ფილმი, მაგრამ კინორეჟისორად ვერ იქცა.
ის სამიოდე მოკლემეტრაჟიანი ფილმით დარჩება ნამდვილ კინორეჟისორად.
დარჩება მიხეილ კობახიძედ.“