უკან
პოლიტიკა
30 ივნისი, 2018 15:35
ორშაბათს ხორავას ქუჩის საქმის შემსწავლელი დროებითი საპარლამენტო საგამოძიებო კომისიის სხდომაზე ზვიად კუპრავას გამოკითხავენ
2 ივლისს ხორავას ქუჩაზე მოზარდების მკვლელობის საქმის შემსწავლელი დროებითი საპარლამენტო საგამოძიებო კომისიის სხდომაზე ზვიად კუპრავას გამოკითხავენ. აღნიშნული საკითხი დღევანდელ სხდომაზე კომისიის თავმჯდომარემ, სერგი კაპანაძემ დააყენა.
ზვიად კუპრავას გამოკითხვაზე დაბარებას მხარი დაუჭირა კომისიის წევრთა უმრავლესობამ, ნაწილმა თავი შეიკავა, ხოლო წინააღმდეგი არავინ არ ყოფილა.
2 ივლისს, დღის წესრიგით იქნება განხილული სამი საკითხი: რეკომენდაციების განხილვა, ზვიად კუპრავას გამოკითხვა და შსს-ის სამი წარმომადგენლის გამოკითხვა.
კომისიის თავმჯდომარის ინფორმაციით, სხდომა 10:00 საათზე დაიწყება, მაგრამ თუ ყველა საკითხის განხილვა ვერ მოისწრება, მუშაობა სამშაბათს გაგრძელდება.