უკან
უახლესი ამბები
არქივი
სამართალი
14 ივლისი, 2017 12:50
ოთარ აბესაძეს ბრალი წაყენებული აქვს როგორც საჯარო მოხელეს, თუმცა მას ეს სტატუსი 2017 წლის პირველ ივლისს შეუჩერდა - ირმა ჭკადუა
ოთარ აბესაძეს ბრალი აქვს წაყენებული როგორც საჯარო მოხელეს, თუმცა მას ეს სტატუსი 2017 წლის 1 ივლისს შეუჩერდა, გამოძიება კი დაწყებულია 8 ივლისს, მაშინ როდესაც ის აღარ იყო საჯარო მოხელე, - განუცხადა ჟურნალისტებს მერიის უშტატო თანამშრომლის, ოთარ აბესაძის ადვოკატმა სასამართლო სხდომის დაწყების წინ.
ირმა ჭკადუას თქმით, დაცვის მხარეს პრეტენზიები აქვს ბრალდების მიერ გადაცემულ მტკიცებულებებთან დაკავშირებით.
„ჩვენ პროკურატურის მოთხოვნის საპასუხოდ მოვითხოვთ გირაოს შეფარდებას, ასევე დაცვის მხარეს პრეტენზია აქვს ბრალის კვალიფიკაციასთან დაკავშირებით“,- აღნიშნა ადვოკატმა.
ბრალდების მხარე აღკვეთის ღონისძიებად პატიმრობის შეფარდებას მოითხოვს.
ოთარ აბესაძისთვის აღკვეთის ღონისძიების შეფარდებაზე სასამართლო დღეს მსჯელობს.
ნინო ექვთიმიშვილი