პოლიტიკა

ოთხოზორია-ტატუნაშვილის სიაში შეყვანილ გარკვეულ პირებთან დაკავშირებით არსებობს კითხვები, არიან თუ არა ცოცხლები - ქეთევან ციხელაშვილი

შერიგებისა და სამოქალაქო თანასწორობის საკითხებში სახელმწიფო მინისტრი, ქეთევან ციხელაშვილი გამოეხმაურა ოპოზიციის მიერ გავრცელებულ ინფორმაციას, რომ ე.წ. ოთხოზორია-ტატუნაშვილის 33-კაციან სიაში რამდენიმე შეყვანილი პირი გარდაცვლილი აღმოჩნდა.

ციხელაშვილის განმარტებით, რამდენიმეზე იყო ეჭვი, რომ ისინი ცოცხლები აღარ არიან, თუმცა შესაბამისი მტკიცებულებები სამართადამცველებს არ აღმოაჩნდათ.

„გარკვეულ პირებთან დაკავშირებით არსებობს კითხვები, არიან თუ არა ცოცხლები, თუმცა ამის მტკიცებულება, რომელიც გამოდგებოდა იმისთვის, რომ საქმე დაიხუროს, ასეთი ჩვენს სამართალდამცველებს არ აქვთ. ბუნებრივია, ამიტომ ამ ადამიანების სახელები ამ სიაში მოხვდა, მათი ბრალეულობა და ზოგიერთ შემთხვევაში მსჯავრდებულობა იყოს დაფიქსირებული“, - განაცხადა მინისტრმა.

დროებითმა მთავრობამ ოთხოზორია-ტატუნაშვილის სია დაამტკიცა, რომელშიც 33 პირი მოხვდა. სია დასამტკიცებლად პარლამენტს გადაეგზავნა.