პოლიტიკა

პაატა ბურჭულაძემ არაერთხელ თქვა, რომ პოლიტიკური მიზნები აღარ აქვს - გიორგი რუხაძე

პარტია „პაატა ბურჭულაძე- სახელწმიფო ხალხისთვის“ ყოფილი წევრის, გიორგი რუხაძის შეფასებით, პაატა ბურჭულაძე, როგორც პოლიტიკური ლიდერი რეალურად, აღარ არსებობს.

„პაატა ბურჭულაძემ არაერთხელ თქვა, რომ პოლიტიკური მიზნები აღარ აქვს. ის, როგორც პოლიტიკური ლიდერი რეალურად, აღარ არსებობს. არ მსიამოვნებს რასაც ვამბობ, მაგრამ სამწუხარო რეალობა ეს არის. პაატა ბურჭულაძემ პოლიტიკურ პროცესებში ძალიან ცუდი როლი ითამაშა. როდესაც ის ასპარეზზე შემოვიდა, შექმნა იმედი იმისა, რომ შესაძლებელი იყო მსხვილი, ალტერნატიული ცენტრის შექმნა და ბოლოს თავად დაანგრია ეს მოლოდინი. ამან შემდგომში გამოიწვია არჩევნების ის შედეგი, რაც დადგა“, - განაცხადა გიორგი რუხაძემ პრესკონფერენციაზე.

შეგახსენებთ, რომ გიორგი რუხაძემ პარტია არჩევნებამდე, სექტემბერში დატოვა.

მონიკა დავლიანიძე