ეკონომიკა

პარლამენტში ეროვნული ბანკის პრეზიდენტს იბარებენ

ლარის გაუფასურების გამო პარლამენტში ეროვნული ბანკის პრეზიდენტ კობა გვენეტაძეს იბარებენ. საპარლამენტო უმრავლესობის წევრის, ლევან კობერიძის თქმით, ბანკი დეტალურ ინფორმაციას ფლობს ლარის კურსთან მიმდინარე პროცესების შესახებ.

„უპრიანი იქნება, რომ მოვუსმინოთ ეროვნული ბანკის პრეზიდენტს, მოვიწვიოთ ეკონომიკის კომიტეტში და იქ გავმართოთ მსჯელობა.

ეროვნული ბანკი არის ის უწყება, რომელსაც აქვს სრული ინფორმაცია ლარის კურსთან მიმდინარე პროცესებთან დაკავშირებით. შესაბამისად ჩვენ, როგორც პარლამენტის წევრებს, არ შეგვიძლია, ვიმარჩიელოთ რაღაც თემებზე და ვთქვათ, რომ კურსი ამიტომ იცვლება ან არ იცვლება და ასე შემდეგ.

ეროვნული ბანკი არის ის უწყება, რომელსაც აქვს ეს ინფორმაცია სრულყოფილად, შესაბამისად მათთან პროფესიული მსჯელობა გვექნება ამ საკითხზე“, - თქვა კობერიძემ.

ანა მებურიშვილი