პოლიტიკა

პარლამენტში კენჭისყრა არ ჩატარდება, თუკი სესიას 76 დეპუტატი ფიზიკურად არ დაესწრება -ირაკლი კობახიძე

პარლამენტის თავმჯდომარე ირაკლი კობახიძე პლენარულ სხდომებზე დასწრების პრობლემას გამოეხმაურა. მან აღნიშნა, რომ კენჭისყრა არ ჩატარდება, თუკი სესიას 76 დეპუტატი არ დაესწრება.

„პარლამენტში კენჭისყრები ისეთ დროს არცერთ შემთხვევაში არ ჩატარდება, თუკი სესიას 76 დეპუტატი ფიზიკურად არ დაესწრება. ეს არის ძალიან მკაცრი და პრინციპული პოზიცია, რომელსაც აუცილებლად დავიცავთ“, - განაცხადა კობახიძემ.

შეგახსენებთ, 20 სექტემბრის პლენარული სხდომა კვორუმის არარსებობის გამო 2 საათით გადაიდო.

ანა მებურიშვილი