პოლიტიკა

პარლამენტში რიგგარეშე სხდომა ხორავას ქუჩის საქმესთან დაკავშირებული საგამოძიებო კომისიის შესახებ, სავარაუდოდ, ოთხშაბათს ჩატარდება

პარლამენტი მიმდინარე კვირას რიგგარეშე სხდომის მოწვევას აპირებს. ამის შესახებ ბიუროს დღევანდელ სხდომაზე პარლამენტის თავმჯდომარემ ირაკლი კობახიძემ განაცხადა. მისივე თქმით, საკანონმდებლო ორგანო პრეზიდენტ გიორგი მარგველაშვილს დღეს მიმართავს.

მისივე ინფორმაციით, რიგგარეშე სხდომის მოწვევა ოთხშაბათს მოხდება.

როგორც ცნობილია, რიგგარეშე სხდომაზე საგამოძიებო კომისიის შექმნა მოხდება, რომელიც ხორავას ქუჩაზე მოკლული არასრულწლოვნების საქმეს გამოიძიებს.

როგორც ცნობილი გახდა, საპარლამენტო საგამოძიებო კომისიას, რომელიც ხორავას ქუჩაზე მოზარდებს მკვლელობის საქმესთან დაკავშირებით შეიქმნა, საპარლამენტო უმცირესობის, კერძოდ, ფრაქცია „ევროპული საქართველოს“ წარმომადგენელი უხელმძღვანელებს.

გარდა ამისა, 17-კაციან კომისიაში „ევროპული საქართველო“ 9 წევრით იქნება წარმაოდგენილი.

როგორც ცნობილია, აღნიშნული კომისიის მუშაობაში მონაწილეობას არ აპირებს ფრაქცია „ნაციონალური მოძრაობა“.