სამართალი

,,პატრიოტთა ალიანსის“ სარჩელი არ დაკმაყოფილდა

თბილისის საქალაქო სასამართლომ ,,პატრიოტთა ალიანსის“ სარჩელი ცენტრალური საარჩევნო კომისიის წინააღმდეგ, არ დააკმაყოფილა. მოსარჩელე მხარე ცესკოს შემაჯამებელი ოქმის ბათილად ცნობას ითხოვდა, რომლის მიხედვითაც, პარტიას პარლამენტში ექვსი მანდატი ერგო. როგორც „პატრიოტთა ალიანსის“ წარმომადგენელმა გოჩა თევდორაძემ ჟურნალისტებს განუცხადა, საქალაქო სასამართლომ უკანონო გადაწყვეტილება მიიღო, რომელსაც პარტია სააპელაციო სასამართლოში გაასაჩივრებს.

,,სასამართლომ მიიღო უკანონო გადაწყვეტილება. ის ვერ გათავისუფლდა. რა თქმა უნდა, ეს არ იყო დამოუკიდებლად მიღებული გადაწყვეტილება. ხელისუფლებას არ სურს ერთი მანდატის დათმობაც კი. ჯერ ცესკოს მიაღებინა გადაწყვეტილება, ახლა საქალაქო სასამართლოს. აღნიშნულ გადაწყვეტილებას გავასაჩივრებთ სააპელაციო სასამართლოში“, - განაცხადა გოჩა თევდორაძემ.

როგორც ცესკოს წარმომადგენელმა თენგიზ შარმანაშვილმა სასამართლო სხდომის შემდეგ განაცხადა, მოსარჩელე მხარის არგუმენტები არასამართლებრივი იყო და ცესკომ მანდატები კანონის შესაბამისად გადაანაწილა.

მარი ნამგალაძე