უკან

უახლესი ამბები

დღის კალენდარი

ანონსები

არქივი

პოლიტიკა

15 მარტი, 2017 17:35
font-size

პერსონალურ მონაცემთა დაცვის ინსპექტორმა გასულ წელს სამართალდარღვევათა 221 ფაქტი გამოავლინა

ადამიანის უფლებათა დაცვისა და სამოქალაქო ინტეგრაციის კომიტეტის დღევანდელ სხდომაზე პერსონალურ მონაცემთა დაცვის მდგომარეობის და ინსპექტორის საქმიანობის შესახებ 2016 წლის ანგარიში მოისმინეს.

ანგარიში დეპუტატებს პერსონალურ მონაცემთა დაცვის ინსპექტორმა, თამარ ქალდანმა გააცნო.

მომხსენებელმა პერსონალურ მონაცემთა დაცვის მდგომარეობის ძირითად ტენდენციებსა და სტატისტიკურ მონაცემებზე გაამახვილა ყურადღება.

მისი ინფორმაციით, გასულ წელთან შედარებით 3-ჯერ არის გაზრდილი კონსულტაციებზე მომართვიანობა, ხოლო 2-ჯერ - განცხადებების რაოდენობა.

„პრაქტიკულად გაორმაგებულია ჩვენ მიერ ჩატარებული ინსპექტირების რაოდენობა როგორც საჯარო, ასევე, კერძო სექტორში.“, - განაცხადა თამარ ქალდანმა.

მისი ინფორმაციით, გამოვლინდა სამართალდარღვევათა 221 ფაქტი, 63 ორგანიზაცია დაჯარიმდა, 35-ს მიეცა გაფრთხილება, ხოლო 202 კონკრეტული მითითება და რეკომენდაციაა გაცემული იმისთვის, რომ გააუმჯობესონ საკუთარი სტანდარტები და უკეთესად უზრუნველყონ კანონმდებლობით გათვალისწინებული ვალდებულებების შესრულება.

საქართველოს პარლამენტის ინფორმაციით, ანგარიშის ყველაზე მოცულობითი თავი ეხება მონაცემთა დამუშავების საფუძვლებსა და პრინციპებს. საფუძვლების ნაწილში თამარ ქალდანის თქმით, მცირედი პროგრესი არის, რასაც იმით ხსნის, რომ უფრო მეტი კერძო და საჯარო ორგანიზაცია ახდენს მონაცემთა დამუშავების საფუძვლის იდენტიფიცირებას.

„საკანონმდებლო დონეზეც განხორციელდა ცვლილებები, რამაც შექმნა სამართლებრივი ბაზა. თანხმობის ნაწილშიც გაუმჯობესება შეინიშნება, თუმცა ანგარიში მეტყველებს იმაზე, რომ მონაცემთა დამუშავების პრინციპების პრობლემა კვლავ დგას“, - განაცხადა თამარ ქალდანმა.

პერსონალურ მონაცემთა დაცვის ინსპექტორმა ისაუბრა ინტერნეტ ბანკინგის მონაცემების დაცვაზე, კანონშემოქმედებით საქმიანობაში ჩართულობასა და საკანონმდებლო ორგანოსთან მჭიდრო თანამშრომლობაზე, სამართლებრივ ექსპერტიზის მონაცემებზე.

მოხსენების შემდეგ სხდომა კითხვა-პასუხის რეჟიმში გაგრძელდა.

თამარ ქალდანის თქმით, პროგრესის მიუხედავად რჩება ხარვეზები, რომელთა გამოსწორებაზე პერსონალურ მონაცემთა დაცვის ინსპექცია ინტენსიურად აგრძელებს მუშაობას. მისივე ინფორმაციით, სამსახური გეგმავს საზოგადოებასთან ურთიერთობის საინფორმაციო მიმართულებით სტრატეგიის შემუშავებას, რომელიც დაეფუძნება ევროკავშირისა და გაეროს განვითარების პროგრამულ ფარგლებში განხორციელებულ კვლევას და მიზნად ისახავს საქართველოს მასშტაბით მოსახლეობის გამოკითხვას.

სალომე ზურაბიშვილმა ვლადიმერ ზელენსკის უკრაინის საპრეზიდენტო არჩევნებში გამარჯვება მიულოცა

22 აპრილი, 2019 , 14:48

საქართველოს პრეზიდენტმა სალომე ზურაბიშვილმა ვლადიმერ ზელენსკის უკრაინის საპრეზიდენტო არჩევნებში გამარჯვება მიულოცა. „ვულოცავ ვლადიმერ ზელენსკის უკრაინის ახალ პრეზიდენტად არჩევას. უკრაინელ ხალხს ვულოცავ თავისუფალი დ

პანკისის ინციდენტი სამწუხაროდ, წარმოადგენს არა ერთეულ შემთხვევას, არამედ მმართველი პარტიის მიერ არჩეულ სტრატეგიას - „თავისუფალი საქართველო“

22 აპრილი, 2019 , 14:05

თუ ხელისუფლება დასკვნებს არ გააკეთებს მოსალოდნელია პანკისის ინციდენტის გამეორება დედაქალაქში, - ამის შესახებ ნათქვამია პარტია „თავისუფალი საქართველოს“ მიერ პანკისის ინცინდენტთან დაკავშირებით გავრცელებულ განცხ

ივანე მაჭავარიანს 23 აპრილს პარლამენტში მოუსმენენ

22 აპრილი, 2019 , 13:20

ფინანსთა მინისტრ ივანე მაჭავარიანს 23 აპრილს პარლამენტში მოუსმენენ. მაჭავარიანი ხვალ დეპუტატების წინაშე საფინანსო-საბიუჯეტო კომიტეტის სხდომაზე წარდგება. საკანონმდებლო ორგანოში ფინანსთა მინისტრი „ევროპული საქართველო

კორუფციაში ჩართული საჯარო მოხელეები მოწყვლადები არიან უცხო ქვეყნების სპეცსამსახურების მიმართ - გრიგოლ ლილუაშვილი

22 აპრილი, 2019 , 13:20

კორუფციაში ჩართული საჯარო მოხელეები მოწყვლადები არიან უცხო ქვეყნების სპეცსამსახურების მიმართ და ნებისმიერი სპეცსამსახურისთვის წარმოადგენენ პოტენციურ დაკვირვების ობიექტებს, – ამის შესახებ სახელმწიფო უსაფრთხოების სამ

მამუკა ბახტაძე ვლადიმირ ზელენსკის არჩევნებში გამარჯვებას ულოცავს

22 აპრილი, 2019 , 10:40

ვლადიმირ ზელენსკის უკრაინის საპრეზიდენტო არჩევნებში გამარჯვებას ულოცავს საქართველოს პრემიერ-მინისტრი მამუკა ბახტაძე. „ვულოცავ ახლად არჩეულ პრეზიდენტს, ვლადიმირ ზელენსკის. საქართველო მხარს უჭერს უკრაინის მშვიდობიან

დავით ზალკალიანი პორტუგალიაში მცხოვრებ ქართველებს შეხვდა

22 აპრილი, 2019 , 10:40

საქართველოს საგარეო საქმეთა მინისტრი დავით ზალკალიანი ვიზიტით პორტუგალიაში იმყოფება, სადაც დღეს შეხვედრას გამართავს პორტუგალიის საგარეო საქმეთა მინისტრთან აუგუშტუ სანტუშსილვასთან, პორტუგალიურენოვანი სახელმწიფოების თანამე

ვიდეო გალერეა

ნატო ჩხეიძე ინგა გრიგოლიასთან `რეაქციაში` - 07.03.2019