უახლესი ამბები
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 12:41გენდერული კვოტირების გაუქმებას პრეზიდენტმა ვეტო დაადო და პარლამენტს უკვე მიმართა
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
საზოგადოება
პირველ დღეებთან შედარებით მდგომარეობა აშკარად გამოსწორებულია - ლევან იზორია
საქართველოს თავდაცვის მინისტრის, ლევან იზორიას განცხადებით, წინა დღეებთან შედარებით ბორჯომის ხეობაში ვითარება გაუმჯობესებულია.
უწყების ხელმძღვანელის ინფორმაციით, ცეცხლის ლიკვიდაციის პროცესს კლიმატური პირობები აფერხებს, რადგან ქარი ცეცხლის კერების ხელახლა აალებას იწვევს.
„ჩვენ გვქონდა შესაძლებლობა ვერტმფრენიდან განგვეხორციელებინა მონიტორინგი, თუ რა მდგომარეობაა. მინდა ვთქვა, რომ პირველ დღეებთან შედარებით მდგომარეობა აშკარად გამოსწორებულია, თუმცა კერები არსებობს და ხდება მათი იდენტიფიცირება, რათა მოხდეს წერტილოვნად წყლის დასხმა, რაც შეიძლება დიდი ინტენსივობით. თუმცა, ხელს არ გვიწყობს კლიმატური პირობები. ქარია ბორჯომის ხეობაში, რაც უწყობს ხელს კერების გაღვივებას.
თითოეული უწყება აქტიურად არის ჩართული, რომ ჩვენი პარტნიორების ჩართულობით მოხდეს ამ კერების ლოკალიზება. არცერთი უწყება ძალ-ღონეს არ იშურებს, რომ მაქსიმალურად იყოს უზრუნველყოფილი ადამიანთა სიცოცხლე და ჯანმრთელობა. ამ თვალსაზრისით ყველაფერი კეთდება მიმდებარე სოფლების მოსახლეობის დაცვის მიზნით. თავდაცვის სამინისტრო მზად არის თავისი შესაძლებლობების ფარგლებში მაქსიმალურად იყოს წარმოდგენილი.
რელიეფი არის ძალიან რთული და მხოლოდ ცოცხალი ძალის შესაძლებლობაზე არ არის დამოკიდებული ცეცხლის ჩაქრობა, როგორც იყო ატენის ხეობაში. ტექნიკის მუშაობა და კლიმატური პირობების ხელშეწყობაა აუცილებელი იმისთვის, რომ საბოლოოდ მოხდეს ცეცხლის ლოკალიზება და შემდეგ მისი ლიკვიდაცია“,- განაცხადა იზორიამ.
ბორჯომის ხეობაში, სოფელ დაბას მიმდებარე ფერდობებზე ნახანძრალი ტერიტორიის გარკვეულ მონაკვეთზე კვლავ ცეცხლი გაჩნდა.
ბორჯომის ხეობაში ხანზარი 20 აგვისტოს გაჩნდა. როგორც საგანგებო შტაბის განცხადებაში წერია, ცეცხლი ლოკალიზებულია.
ანა მებურიშვილი