პოლიტიკა

პირველ ტურთან მიმართებაში, 10:00 საათის მონაცემებითაც კი ჩვენ არ გვქონდა ამდენი ფაქტი - სულხან სალაძე

საქართველოს ახალგაზრდა იურისტთა ასოციაციის თავმჯდომარე, სულხან სალაძე ამ დროისთვის უკვე დაფოქსირებული დარღვევებზე საუბრობს.

„შედარებისთვის, რომ ავიღოთ, პირველ ტურთან მიმართებაში, 10:00 საათის მონაცემებითაც კი ჩვენ არ გვქონდა ამდენი ფაქტი, როდესაც საუბარი იყო, რომ იქ ადგილი ჰქონდა ხმის მიცემის ფარულობის და ამომრჩევლის ნების კონტროლს.

ხდება შემდეგი, როდესაც ამომრჩეველი შედის უბანზე, გაივლის ყველა პროცედურებს, შემდგომში, როდესაც გამოდის ბიულეტენით, ის ბიულეტენი არ არის გადაკეცილი და კონკრეტულ პირებს ეძლევათ საშუალება ნახონ, მოახდინონ იდენტიფიცირება, თუ ვის მისცა ხმა.

როდესაც ვსაუბრობთ პირველ და მეორე ტურს შორის განსხვავებაზე, როგორც ჩანს ეს არის სწორედ ერთ-ერთი მთავარი განსხვავება, რომ თუ კოორდინატორის ფუნქციაა ამომრჩევლის მოყვანა უბანზე, დადასტურებულად, ამ მოყვანილმა ამომრჩეველმა მისცა თუ არა ხმა სასურველ კანდიდატს, ეს უკვე უნდა დადასტურდეს სხვა ფაქტით,“ - განაცხადა სალაძემ.