პოლიტიკა

პრეზიდენტი მოხსენებით პარლამენტის წინაშე თებერვლის ნაცვლად, შესაძლოა, მარტში წარსდგეს

საქართველოს პრეზიდენტი გიორგი მარგველაშვილი წლიური მოხსენებით პარლამენტის წინაშე თებერვლის ნაცვლად, სავარაუდოდ, მარტში გამოვა.

„პრეზიდენტის მოსმენა საგაზაფხულო სესიის დასაწყისშია. ძალიან მნიშვნელოვანი მოვლენაა, კონსტიტუციური საკითხია. ჩვენ უნდა მოვისმინოთ მისი შეფასებები იმ პრობლემების ირგვლივ, რომელიც აწუხებს საზოგადოებას, იმ საზოგადოებას, ვინც აირჩია პრეზიდენტი მარგველაშვილი. რატომ ითხოვს ამის გადადებას და რა საპატიო მიზეზები აქვს ამისთვის, ჩემთვის უცნობია“,-აღნიშნა პარლამენტის ფრაქცია „ევროპული საქართველოს“ წევრმა ოთარ კახიძემ.

რეგლამენტის მიხედვით, საკანონმდებლო ორგანო, როგორც წესი, ქვეყნის უმნიშვნელოვანეს საკითხებზე პრეზიდენტის ყოველწლიურ მოხსენებას, საგაზაფხულო სესიის პირველ დღეს ისმენს.

საგაზაფხულო სესია კი, თებერვლის პირველ სამშაბათს იმართება.

მონიკა დავლიანიძე