უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
პრეზიდენტის ვეტო ადასტურებს, რომ „ქართულმა ოცნებამ“ საკონსტიტუციო პრინციპები უგულებელყო - ირაკლი აბესაძე
საპარლამენტო ფრაქცია „ევროპული საქართველოს“ წევრის, ირაკლი აბესაძის შეფასებით, პრეზიდენტის ვეტო ე.წ. ფარული მოსმენების კანონზე მიუთითებს მმართველი გუნდის მიერ საკონსტიტუციო სასამართლოს გადაწყვეტილების უგულებელყოფაზე. აბესაძის თქმით, ეს გამოიხატება სუს-ის გაზრდილ უფლებამოსილებებში.
„პრეზიდენტის ვეტო იმის ნათელი დადასტურებაა, რომ „ქართულმა ოცნებამ“ საკონსტუტუციო პრინციპების უხეში უგულებელყოფით კიდევ უფრო მეტად გაზარდა და განუსაზრვრელი გახადა სუს-ის შესაზლებლობა, ჩაერიოს თითოეული ჩვენგანის პირად ცხოვრებაში, აწარმოოს უკანონო მიყურადება და შემდეგ უკანონოდ მოპოვებული ფარული ჩანაწერებით მოახდინოს „ქართული ოცნების“ ხელისუფლებისთვის არასასურველი ადამიანების პოლიტიკური შანტაჟი“, - თქვა პარლამენტარმა.
აბესაძის თქმით, „ევროპული საქართველო“ გეგმავს, გაასაჩივროს აღნიშნული კანონპროექტი.
„ვაპირებთ არასამთავრობო ორგანიზაციებთან, პოლიტიკურ პარტიებთან საერთო კონსულტაციების შედეგად მივიღოთ შემდგომი გადაწყვეტილება ამ კანონის კვლავ საკონსტიტუციო სასამართლოში და შემდგომში ადამიანის უფლებათა ევროპულ სასამართლოში გასაჩივრების შესახებ“, - განაცხადა აბესაძემ.
პრეზიდენტმა გიორგი მარგველაშვილმა ვეტო დაადო პარლამენტის მიერ დამტკიცებულ ე.წ. ფარული მოსმენების კანონს. დღევანდელ ბრიფინგზე მან აღნიშნა, რომ კანონში გამოიკვეთა ორი ხარვეზი, რომელიც ეხება ფარული მოსმენების განმახორციელებელი სააგენტოს დამოუკიდებლობასა და სატელეკომუნიკაციო კომპანიებზე დაკისრებულ ხარჯებს. გამოსვლის ბოლოს მან მოუწოდა საპარლამენტო უმრავლეოსობას, გაითვალისწინოს მისი მოტივირებული შენიშვნები.
შეგახსენებთ, რომ 1-ლ მარტს პარლამენტმა მესამე მოსმენით მხარი დაუჭირა უმრავლესობის მიერ შემუშავებულ საკონსტიტუციო ცვლილებათა პაკეტს ე.წ. ფარული მოსმენების შესახებ. აღნიშნულ კანონპროექტზე მუშაობა მას შემდეგ გახდა საჭირო, რაც 2016 წლის 14 აპრილს საკონსტიტუციო სასამართლომ ფარული მოსმენების არსებული წესი არაკონსტიტუციურად ცნო. სასამართლომ პარლამენტს დააკისრა ცვლილებების შეტანის ვალდებულება 2017 წლის 31 მარტამდე.
ანა მებურისვილი