უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
არქივი
პოლიტიკა
პრეზიდენტმა მიცემული საშუალება გამოიყენა კონსტიტუციის წინააღმდეგ მიმართული პიარკამპანიის დასაწყებად - მამუკა მდინარაძე
ფრაქცია „ქართული ოცნების“ თავმჯდომარის, მამუკა მდინარაძის განცხადებით, პრეზიდენტის სურვილის შემთხვევაში მმართველი გუნდი მას შეხვდება კონსტიტუციაზე სალაპარაკოდ.
მდინარაძემ აღნიშნა, რომ პრეზიდენტმა კონსტიტუციის გამოსასწორებლად მიცემული შანსი საკუთარი პიარკამპანიისთვის გამოიყენა.
„ველოდებით და ჩვენ გვაქვს მობილიზება, რომ თუ მას სურვილი აქვს, შეხვედრას დავესწროთ აუცილებლად, ოღონდ ეს შეხვედრა უნდა იყოს შედეგზე ორიენტირებული, საქმიანი და არა მხოლოდ პიარკამპანიაზე გათვლილი. პრეზიდენტს მივეცით საშუალება, გამოესწორებინა მთელი ამ ხნის განმმავლობაში დაშვებული ხარვეზები და მონაწილეობა მიეღო ჩვენთან ერთად იმ რეკომენდაციების შესრულებაში, რაც ვენეციის კომისიის დასკვნაში წერია. თუმცა, მან ეს გამოიყენა კიდევ ერთი პიარკამპანიის დასაწყებად, რომელიც მიმართულია კონსტიტუციის წინააღმდეგ“, - განაცხადა მდინარაძემ.
შეგახსენებთ, გუშინ პრეზიდენტის ადმინისტრაციაში ოპოზიციასთან შეხვედრის შემდეგ პრეზიდენტის პოლიტიკურმა მრჩეველმა, ფიქრია ჩიხრაძემ განაცხადა, რომ გიორგი მარგველაშვილი მზადაა, კონსტიტუციაზე სალაპარაკოდ „ქართულ ოცნებას“ შეხვდეს, თუკი მათ სურვილი ექნება.
ანა მებურიშვილი