უახლესი ამბები
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
არქივი
პოლიტიკა
პუტინი ძველ გებისტურ მეთოდს მიმართა, როცა ოპონენტებს გიჟებად რაცხავენ - მიხეილ სააკაშვილი
საქართველოს ყოფილი პრეზიდენტი, ოდესის ოლქის ყოფილი გუბერნატორი მიხეილ სააკაშვილი რუსეთის პრეზიდენტის ვლადიმერ პუტინის ინტერვიუს სოციალურ ქსელში გამოეხმაურა, კერძოდ, იმ რეპლიკას, სადაც პუტინი მას გიჟს უწოდებს.
სააკაშვილის თქმით, პუტინმა „გებისტურ“ მეთოდს მიმართა, როცა ოპონენტებს გიჟებს უწოდებენ.
„პუტინს არ შეუძლია, არ გამიხსენოს. ამერიკელ რეჟისორთან, ოლივერ სტოუნთან ინტერვიუში მან თქვა, რომ ყველამ იცის, რომ გიჟი ვარ. ეს ძველი „გებისტური“ მეთოდია, როცა ოპონენტებს გიჟებად რაცხავენ. ნამდვილად, პუტინის თვალთახედვით, გიჟი უნდა იყო, როცა შენს ხელთაა ათობით მილიარდი დოლარი, რომელსაც არ იპარავ. გიჟი უნდა იყო, რომ არ მოექცე შანტაჟისა და ზეწოლის ქვეშ და არ დანებდე, გიჟი უნდა იყო, რომ ჩემსავით ფიქრობდე, რომ უკრაინა შეძლებს და ევროპის ზესახელმწიფო გახდება. რა თქმა უნდა, პუტინისთვის სიგიჟეა, როცა ვინმე ფიქრობს, რომ პუტინს მალე ბოლო მოეღება და უკრაინა ამ ომში გაიმარჯვებს, რაშიც დარწმუნებული ვარ“, - დაწერა სააკაშვილმა ფეისბუკის საკუთარ გვერდზე.
შეგახსენებთ, გუშინ რუსულ „პირველ არხზე“ გამოვიდა ამერიკელი რეჟისორის ოლივერ სტოუნის ვლადიმერ პუტინთან ინტერვიუს პირველი ნაწილი. მთლიანად საუბარი 4 მინისერიადაა დაყოფილი.
ანა მებურიშვილი