მსოფლიო

ქართული ჩახოხბილი რუსეთის სამხედრო სასადილოების საშობაო მენიუში შეიტანეს

ქართული ჩახოხბილი რუსეთის ცენტრალური სამხედრო ოლქის სამხედრო სასადილოების საშობაო მენიუში შევიდა. ამის შესახებ ცენტრალური სამხედრო ოლქის ოფიციალურმა წარმომადგენელმა იაროსლავ როშჩუპკინმა ჟურნალისტებს განუცხადა.

„სამხედრო სასადილოებში საშობაო მენიუში შეტანილია გაუმჯობესებული ასორტიმენტის კერძები სხვადასხვა ეროვნული სამზარეულოდან : ბორში ციმბირულად, ურალის პელმენები, ჩახოხბილი, ფლავი და სხვა. სასადილოების დახლებზე გამოჩნდა კივი, ბანანი, ციტრუსები, შოკოლადი, თაფლაკვერები, ფუნთუშები და სხვა საკონდიტრო ნაწარმი“, - თქვა როშჩუპკინმა.

მან დაამატა, რომ სადღესასწაულო განწყობის შესაქმნელად მეთაურობამ 20%-ით გაზარდა კვების ულუფის ღირებულება, ხოლო გაუმჯობესებული მენიუ 8 იანვრის ჩათვლით იმოქმედებს.