პოლიტიკა

ქართული მხარე ევროსასამართლოს მოსამართლეობის ახალ კანდიდატებს აპრილამდე წარადგენს

საქართველო ევროსასამართლოს მოსამართლეობის ახალ კანდიდატებს აპრილამდე წარადგენს.

ქართულ მხარეს კონკურსის ხელახლა ჩატარება და ახალი სიის წარდგენა დაევალა, რადგან ევროპის საბჭოს კომიტეტმა წარდგენილები არ დაამტკიცა.

,,ქართული ოცნების’’ წევრი, მამუკა მდინარაძე ფიქრობს, რომ ევა გოცირიძე, გიორგი ბადაშვილი და ალექსანდრე ბარამიძე ღირსეული კანდიდატები იყვნენ.

,,არ მგონია, რომ მათ კომპეტენციასთან დაკავშირებით რაიმე კითხვის ნიშნები იყო. არ მგონია, რომ გადაწყვეტილებაზე ამან იმოქმედა. თუ იქნება გარკვეული განცხადებები ან მინიშნება მაინც, ჩვენ ამ განცხადებების და მინიშნებების ქვეტექსტს აუცილებლად გავითვალისწინებთ.

ახალი პარლამენტის მონაწილეობით მოგვიწევს ახალი კანდიდატურების წარდგენა და მე ვფიქრობ, რომ ამ შემთხვევაში მსგავსი პრეცედენტი არ განმეორდება. ჩვენ წარვადგენთ ისევე ღირსეულ კანდიდატებს, როგორც ეს ძველ შემთხვევაში იყო’’, - განაცხადა მამუკა მდინარაძემ.

ნინო ექვთიმიშვილი