პოლიტიკა

„ქართული ოცნების“ დაკვეთით ჩატარებული ეგზიტპოლების შედეგებით, სალომე ზურაბიშვილი 52.3% საპრეზიდენტო არჩევნების პირველივე ტურში იმარჯვებს

„ქართულმა ოცნებამ“ თავისი დაკვეთით ჩატარებული ეგზიტპოლების შედეგების მიხედვით, მათ მიერ მხარდაჭერილი საპრეზიდნეტო კანდიდატი სალომე ზურაბიშვილი პირველივე ტურში იმარჯვებს. ამის შესახებ პარლამენტის თავმდომარემ ირაკლი კობახიძემ განაცხადა, რომელმაც პარტიის ოფისში ეგზიტპოლის შედეგები წარადგინა.

ეგზიტპოლის შედეგები კი ასე გამოიყურება:

სალომე ზურაბიშვილი - 52.3%

გრიგოლ ვაშაძე „ძალა ერთობაშია“ ვაშაძე - 28.1%

დავით ბაქრაძე „ევროპული საქართველო“ - 9.2%

ზურაბ ჯაფარიძე „გირჩი“ – 3.3 %

შალვა ნათელაშვილი „ლეიბორისტული პარტია“ – 3.1%

ეგზიტპოლი კვლევითმა ორგანიზაცია "ფსიქოპროექტმა" ჩაატარა. ეგზიტპოლი 100 უბანზე ჩატარდა და მის ფარგლებში 5124 ამომრჩეველი გამოიკითხა.

აღნიშნული შედეგები კარდინალურად განსხვავდება რუსთავი 2-ის დაკვეთით ჩატარებული ეგზიტპოლის შედეგებისგან, სადაც ვაშაძემ და ზურაბიშვილმა თანაბარი რაოდენობის ხმები - 40-40% მიიღეს, რაც მეორე ტურის ჩატარებას ითვალისწინებს.