პოლიტიკა

„ქართული ოცნების“ საპრეზიდენტო კანდიდატი არ ვიქნები - მამუკა ბახტაძე

ფინანსთა მინისტრმა მამუკა ბახტაძემ არ დაადასტურა ინფორმაცია, რომ ის „ქართული ოცნების“ საპრეზიდენტო კანდიდატი იქნება.

„ბოლო ორი თვის განმავლობაში, ძალიან ბევრი ჭორი წამოვიდა. რა თქმა უნდა, ეს არ შეესაბამება რეალობას, თუმცა რაც შემიძლია დავადასტურო, არის ის, რომ „ქართულ ოცნებას“ აუცილებლად ეყოლება ღირსეული კანდიდატი, რომელიც ღირსეულ შედეგს დააფიქსირებს საპრეზიდენტო არჩევნებზე. მე ახლა ვარ იმ თანამდებობაზე, სადაც ჩვენს პოლიტიკურ გუნდს მიაჩნია, რომ თითოეულ ჩვენგანს შეუძლია თავისი შესაძლებლობებისა და ხედვების რეალიზაცია“, – განაცხადა ბახტაძემ.

როგორც უმრავლესობის ლიდერმა, არჩილ თალაკვაძემ განაცხადა, „ქართული ოცნება“ თავის კანდიდატს ივლისის მეორე ნახევარში - აგვისტოს დასაწყისში გამოაცხადებს.