უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
- 19.04.2024 15:1420-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი
- 19.04.2024 15:06ეს პროექტი არის უკან გადადგმული ნაბიჯი და ეწინააღმდეგება საქართველოს ევროატლანტიკურ ინტეგრაციას - ხავიერ კოლომინა
- 19.04.2024 14:26ძალიან ვწუხვარ ბატონი ალეკოს თემაზე, ძალიან ცუდი ფაქტია, რაც მოხდა, თუმცა რა მოხდა რეალურად, დაველოდოთ გამოძიებას - ვახტაგ გომელუარი
არქივი
პოლიტიკა
ქეთევან ციხელაშვილი იაპონიის ელჩს შეხვდა
შერიგებისა და სამოქალაქო თანასწორობის საკითხებში საქართველოს სახელმწიფო მინისტრი ქეთევან ციხელაშვილი იაპონიის საგანგებო და სრულუფლებიან ელჩს საქართველოში ტადაჰარუ უეჰარას შეხვდა.
გაცნობითი ხასიათის შეხვედრაზე სახელმწიფო მინისტრმა ელჩთან აპარატის საქმიანობის შესახებ ისაუბრა. ინფორმაცია მიაწოდა საქართველოს ოკუპირებულ ტერიტორიებზე არსებული ვითარების შესახებ, გამყოფი ხაზის მიმდებარე სოფლების მდგომარეობასა და იმ პრობლემებზე, რაც მოსახლეობას, მავთულხლართების ორივე მხარეს აწუხებს.
„დეტალურად განვიხილეთ აფხაზეთსა და ცხინვალის რეგიონში არსებული ვითარება. ის პოლიტიკა, რომელიც რუსეთის მხრიდან ხორციელდება. გამოწვევები, რომლებიც მოსახლეობისათვის ჩნდება როგორც უსაფრთხოების, ისე ჰუმანიტარული თვალსაზრისით.
ასევე ვისაუბრეთ იმ განგრძობით დახმარებაზე, რასაც იაპონია საქართველოს წლების განმავლობაში უწევს. ელჩმა აღნიშნა, რომ იაპონიის პოზიცია, საქართველოს სუვერენიტეტისა და ტერიტორიული მთლიანობის მხარდაჭერასთან დაკავშირებით, ურყევია. ეს, რა თქმა უნდა, ჩვენთვის ძალიან მნიშვნელოვანია. მისი მხარდაჭერა, ჩართულობა და დახმარება საქართველოსა და ქართველი ხალხის მიმართ, გაგრძელდება.
მათთვის ძალიან მნიშვნელოვანია ადამიანის უფლებების თვალსაზრისით არსებული მდგომარეობა სწორედ იმ გამოწვევების ჭრილში, რასაც განგრძობითი ოკუპაცია და გადაუჭრელი კონფლიქტი ქმნის. ჩვენი საუბრისას დიდი დრო დაეთმო გამყოფი ხაზების სიახლოვეს და ოკუპირებულ ტერიტორიებზე მცხოვრები მოსახლეობის მდგომარეობის განხილვას. განსაკუთრებით კი ყველაზე მოწყვლადი მოსახლეობის - გალის რაიონის ეთნიკურად ქართველი მოსახლეობის მდგომარეობას,“ - განაცხადა შეხვედრის დასრულების შემდეგ ქეთევან ციხელაშვილმა.
სახელმწიფო მინისტრმა მადლიერება გამოხატა იაპონიის ხელისუფლებისა და სახელმწიფოს მიმართ და განაცხადა, რომ შეხვედრაზევე შეთანხმდნენ სამომავლო თანამშრომლობის მიმართულებებზე.