უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
არქივი
პოლიტიკა
ქეთევან ციხელაშვილი მოლდოვას რეპუბლიკის დელეგაციას შეხვდა
შერიგებისა და სამოქალაქო თანასწორობის საკითხებში საქართველოს სახელმწიფო მინისტრი ქეთევან ციხელაშვილი მოლდოვას რეპუბლიკის დელეგაციას შეხვდა, რომელსაც საგარეო საქმეთა და ევროინტეგრაციის მინისტრის მოადგილე ლილიან დარი ხელმძღვანელობდა.
ოფიციალური ცნობით, სახელმწიფო მინისტრმა დელეგაციის წევრებს ოკუპირებულ ტერიტორიებზე არსებული მდგომარეობის შესახებ მიაწოდა ინფორმაცია. მან ასევე დეტალურად ისაუბრა საქართველოს მთავრობის სამშვიდობო პოლიტიკასა და იმ შესაძლებლობებზე, რომლებსაც სახელმწიფო ოკუპირებული ტერიტორიებზე მცხოვრებთ სთავაზობს.
ქეთევან ციხელაშვილმა ასევე აღნიშნა, რომ სახელმწიფო ოკუპირებული ტერიტორიების მოსახლეობას სთავაზობს საქართველო-ევროკავშირის პარტნიორობიდან გამომდინარე სარგებელსა და სიკეთეებს.
მოლდოვას წარმომადგენლებმა ისაუბრეს გამოცდილებაზე, თუ როგორ აისახა დნესტრისპირეთის კონფლიქტის მოგვარებაზე მოლდოვას რესპუბლიკის ევროინტეგრაციის პროცესი და ევროკავშირთან უვიზო მიმოსვლა.
დელეგაციის წევრები, ასევე, დაინტერესდნენ ეთნიკური უმცირესობების წარმომადგენელთა ინტეგრაციის მიმართულებით სახელმწიფოს მიდგომებით. სახელმწიფო მინისტრმა მათ მიაწოდა ინფორმაცია სამოქალაქო თანასწორობისა და ინტეგრაციის სახელმწიფო სტრატეგიისა და სამოქმედო გეგმის ფარგლებში განხორციელებულ და დაგეგმილ ნაბიჯებზე.